GMN TV Saude e Educação HNGV rejista moras dengue 92 no ida mate

HNGV rejista moras dengue 92 no ida mate

0 views

Xefe Unidade Pediatria, Breviado do Santos, hatete, durante fulan Marsu, tinan ne’e, Hospital Nasional Guido Valadares (HNGV), konsege rejista pasiente moras dengue hamutuk 92 no husi númeru ne’e pasiente ida labele salva nia vida (mate).

“Iha pediatria durante ne’e ami iha kazu 301, no kazu boot liu mak dengue ho 92 kazu no alta ona 73, agora baixa iha 18, kazu dengue ne’e ami iha mate ida, ida ne’e be’e lakon nia vida tanbá mai ho moras komplikadu, maibé maioria mai ho dengue shock ne’ebé liu ona loron 3 ou 4 sira halo tratametnu iha uma, entaun kontinua to’o labele mak mai labarik desmaia ita fó aimoruk no soru mak foin rekoopera, maibé presiza loron 4 ou 5,”dehan, Breviado iha sala pediatria HNGV, Kinta (02/04/2020).

Breviado esplika moras dengue ne’ebé aumenta ba sia nulu resin ne’e tanbá inan – aman sira ladun iha atensaun hodi lori labarik mai halo tratamentu iha ospital wainhira hetan sintoma ba moras dengue maibe hili liu hodi hemu aimoruk iha uma.

Iha fatin hanesan mos, Xefe Departementu Emerjensia, Todi de Jesus rekoñese numeru ba dengue ne’ebé aumenta iha HNGV la’os afeita deit ba labarik sira maibé ba ema adultu hamutuk 31.

“Dengue adultu hamutuk 31, ami haree katak dengue aumenta, ne’e moras ne’ebé tinan-tinan sempre mosu, iha rai laran, ita bele dehan kazu dengeu ne’e tinan-tinan sempre mosu hela deit liu-liu wainhira udan entaun dengue ho diareia sei mosu barak liu,” afirma, Todi de Jesus.

Tuir dadus husi, Departmentu Emerjensia HNGV rejista durante fulan Marsu konsege rejista pasiente 6.073, mane 3.212, feto 2.861, ne’ebé kompostu husi kazu asidente motor 113 no kareta 16.

Iha mos kazu balun hanesan vioalasaun domestika hamutuk nain 8 no bele haree kazu ida ne’ebé barak liu mak pasiente ne’ebé mai halo observasaun iha emerjensia hamutuk 2.096.Ida 


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker