GMN TV Saude e Educação Kazu moras dengue iha Díli 499, mate na’in 6

Kazu moras dengue iha Díli 499, mate na’in 6

0 views

Nasaun Timor-Leste (TL),hasoru situasaun ne’ebé defisil, tamba impaktu husi surtu pandemia COVID-19, alendé kazu husi surtu COVID-19 ne’ebé maka loron-loron sempre aumenta bebeik, iha mós kazu ne’ebé mak perigozu liu no ameasadu hodi halakon ema nia vida, liu- liu ba labarik kiik oan sira.

Diretóra Saúde Munisípiu Díli Agustinha Saldanha Seguerado, informa, kazu ba moras dengue hahú iha inisíu fulan Janeiru to’o iha Sesta semana kotuk,  iha fulan abril ne’e, rejista ona ema nain 6 mate, no 499 mak infekta ona moras dengue.

Lia hirak ne’e, hato’o husi, Diretóra Saúde Munisípiu Díli, Agustinha Saldanha Seguerado ba Jornalista GMN, Segunda (20/04/20), iha nia knar fatin Bairo-Formoza.

“Ita iha rejistu kazu dengue ne’ebé foti husi fasilidade saúde sira ne’ebé mak iha governu nian iha Díli laran inklui iha privada sira makas liu mak husi Hospital Nasional Guido Valadares inklui mós husi Maternidade Fatumeta, ita rejistu iha ona semana kotuk to’o ohin, iha sesta semana kotuk ita hamutuk 499 kazu, husi 499 kazu iha nain 6 maka mate,” hatutan, Diretóra Saúde Munisípiu Díli.

Agustinha Saldanha Seguerado, esplika liutan, husi na’in 6 ne’ebé mate, rejista husi Hospital ne’ebé maka atende iha Hospital maka mate no maioria labarik sira idade husi 5 anos mai karaik no tinan 11 nain ida.

“Ida ne’e maka daduk ne’e ita rejista ikus iha semana kotuk,”hatete, Diretóra Saúde Munisípiu Dili ne’e.

Agustina aprofunda liutan, dala barak husi ministériu saúde reforsa ona halo edukasaun saúde ba komunidade liu husi avisu ho kareta tama sai bairo, iha Munisípiu Díli halo sensibilizasaun hamutuk ho CVTL, hodi distribui abatil inklui halo pulverizasaun no foging.

“Ida ne’e maka atendementu ne’ebé maka ita la’o iha semana rua liu ba, no semana ida ne’e ita nafatin reforsa ba iha sensibilizasaun ne’e ho intervensaun, hau senti katak atendimentu ba iha intervensaun ba iha foging ho pulberizasaun ne’ebé maka hotu-hotu kuaze senti karik balun, seidauk senti tamba seidauk to’o iha fatin ne’ebé ita bo’ot sira balun hela ba karik, maibé hau iha esperansa katak sira sei to’o,” Promete, Diretóra Saúde Munisípiu Díli ne’e.

Agustinha mós klarifika ba públiku, postu administrativu ne’ebé mak hetan afeita maka’as maka posto administrativu Dom Aleixo rejista kazu hamutuk 291, posto administrativu Cristu Rei  82, posto administrativu Vera Cruz 81, posto administrativu Nain feto 44 inklui atauru na’in 1.

Entertantu husi nain 6 maka mate, husi Postu Administratívu Dom Aléixo nain 5, inklui Postu Administratívu Vera Cruz nain 1.

“Atu haree ba postu administrativu no hakarak hatene liu dehan suku, ita hare ba postu administrativu 4 iha Díli laran ne’e kuaze suku, hotu-hotu afeitadu. Ne’ebé ita haree katak suku iha díli laran ne’e afeitadu hotu, mais iha suku balun ke afeita maka’as liu por-exemplo ita haree iha Suku ne’ebé mak iha postu admistratívu Dom-Aléixo ,suku Comoro ida ne’e ita bele foti ninia númeru katak iha 123, depois tuir Bairo-Pite 48, depois tuir fatuhada 42, manuleu-Ana 33, Madohi 24. Bebonuk 13, no kampo-Alor 1 hanesan mós postu Administratívu sira seluk,” relata, Diretóra Munisípiu Saúde Díli.

Impaktu husi Kazu dengue ne’ebé mak sa’e drastiku tamba impaktu husi lixu ne’ebé so’e arbiru drainazen ne’ebé mak intupidu   inklui mós inundasaun iha fulan hirak liu bá nune’e susuk dengue fasil atu moris iha be nalihun iha fatin-fatin.

Diretóra ne’e mós husu ba autoridade lokal iha munisípiu Díli no sidadaun hotu atu bele kontribui hodi serbisu hamutuk ho saúde hanesan halo Limpeza.Luc


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker