GMN TV Saude e Educação Kazu pozitivu COVID-19 iha Timor-Leste aumenta ba 19 ■ Komisaun Interministerial aprova estensaun EE ba fulan ida tan

Kazu pozitivu COVID-19 iha Timor-Leste aumenta ba 19 ■ Komisaun Interministerial aprova estensaun EE ba fulan ida tan

0 views

Porta voz Centro Intregrado Gestão de Crise (CIGC), Odete da Silva, esplika, Timor-Leste oras ne’e iha ona kazu pozitivu ba COVID-19 hamutuk 19. Sidadaun na’in ida ne’ebé pozitivu ne’e mai husi fatin kuarentena Otél Lesidere, no sidadaun Timor-oan ne’e mai husi  Bandung, Indonézia.

 “Dadus ba moras COVID-19 ba loron ohin 19 de abril 2020, total kazu konfiramadu hamutuk 19, kazu foun ida, kazu rekopera ka kura 1, suspeitu hamutuk 323, provavel sei mantein nafatin ema nain 4, sei hein rezultadu maka 92 pesoas, negativu hamutuk 208, kazu pozitivu ohin loron mai husi Otél Lesidere”. hatete Dotora Odete Viegas, ba Jornalsita, Domingu (19/04/20200, iha Centro Convenções de Díli.

Diretóra Jerál  Ministeiru Saúde ne’e esklarese, sidadaun Timor-oan ida pozitivu COVID-19 ne’e tama mai Timor-Leste liu husi fronteira terestre.

“Alin ne’ebé maka hetan pozitivu nia viajen husi Bandung ba Jakarta, iha 30 de marsu 2020, nia viajen husi Bandung ba Jakarta uza travel, Jakarta mai Kupang uza aviaun Batik Air, husi Kupang mai Atambua nia uza aluga avanza nia mesak, depois nia to’o iha Kupang, Atambua, nia toba kalan iha Atambua iha Otél Timor Travel, nia husi fali Atambua mai Batugade nia sai ojek, no nia husi Batugade mai Díli iha dia 31 ho bis ida ne’ebé ita bo’ot sira hatene bis Bintang nafatin”.dehan Odete Viegas.

Dadaun ne’e ema ne’ebé hala’o hela kuarentena hamutuk 608, no ema 1.399 mak konsege pasa ona kuarantena durante loron 14, no fila ona ba uma.

Komisaun Interministerial aprova estensaun EE ba fulan ida

Ministru Reforma Lejislativa Asuntu Parlamentares(MRLAP), Fidelis Leite Magalhães, afirma, enkontru entre Komisaun interministerial aprova, hodi halo estensaun ba Estadu Emerjensia (EE), medida hirak ne’e sei hato’o fila fali ba, Konsellu Ministru, no sei hato’o ba iha Prezeidente Repúblika, no sei fila fali mai iha Parlamentu Nasionál (PN).

“Iha diskusaun no desizaun kona-ba estensaun Ba Estadu Emerjénsia ohin (Sesta-red), no membru komisaun interministerial halo desizaun ho konsensual katak, membru hotu konkorda laiha objesaun ida kona-ba halo hikas fali proposta, ba estensaun estadua emerjensia ba loron 30 tan” hateten MRLAP, Fidelis Leite Magalhães, iha salaun Ministériu Finansa, Sesta (17/04/2020).

Fidelis epslika, ho nune’e ekipa téknika legal, hahú halo ona servisu atu haree saida mak presiza halo, atu bele hato’o pedidu da-la ida tan ba, estensaun EE ne’e hafoin EE ida agora remata.

Governante ne’e haktuir, medidas ne’ebé governu foti ne’e mai husi input husi espesialista sira fó, tamba presiza halo balansu ne’ebé proposional, no hanesan entre amiasas ne’ebé ita hetan tamba moras ne’e, no mós nesesidade ita nian atu bele moris, tamba ne’e medidades ne’ebé governu foti antisipadamente, antes ita iha númeru moras ne’ebé boot.

Medidas ne’ebé foti ho metudu preventivu,  wainhira tekniku sira konfirma ona katak, governu tenki foti medidas ne’ebé forti liu, governu sei lao tuir hodi foti desizaun.

“satan medidas ne’ebé governu foti, hatur husi dekretu governu ne’e, la presiza haruka fali ba orgaun soberanu seluk, atu hetan sira nia aprovasaun, no governu bele hatur medidas husi deklarasaun Xefi Governu, no tau medidas iha dekretu governu, no halo alterasaun bainhira nia hanoin, no nia tama iha efeitu logo depois nia publikasaun” tenik Fidelis.Jen/Oct

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker