GMN TV Saude e Educação Konfirmadu COVID-19 iha Timor-Leste sa’e ba 22 ■Governu husu PR atu estende tan EE ba loron 30

Konfirmadu COVID-19 iha Timor-Leste sa’e ba 22 ■Governu husu PR atu estende tan EE ba loron 30

Sentru Integradu Jestaun Krize (SIJK) konfirma kazu COVID-19 iha Timor-Leste ba loron Tersa (20/4/2020), sa’e ba 22, no husi númeru refere na’in ida rekopera, na’in 92 sei hein rezultadu teste.

“Total kazu konfirmadu ohin aumenta ba 22, iha kazu foun 3, kazu rekoperadu laiha mudansa, ida nafatin hanesan iha 10 de Abril, kazu suspeitu 327, kazu provavel nain 5, nain 92 sei hein rezultadu, nain 208 negativu,” dehan, Porta Voz Sentru Integradu Jesaun Krize, Rui Maria de Araújo, iha Centro Convenções Dili, Segunda (20/04/2020).

Dadus COVID-19 Timor-Leste 20/02/2020
Suspeitu Konfirmadu Rekopera Ativu Provável Hein Rezultadu Mate
327 22 1 21 5 92 0

Sidadaun sira ne’ebé positivu no provavel ba COVID-19, dadauk ne’e halalo ona izolamentu iha Sentru Saúde Vera Cruz, iha fatin ketak-ketak no ekipa médika sei kontinua monitoriza hela.

Porat Vos SIJK, Rui de Araújo informa liutan, Kazu suspeitu sira iha Hatulia, Aileu no Same ekipa vijilansia epidomolojia no ekipa laboratoriu nasional nian foti ona amostra ba halo analize laboratoriu hodi hein rezultadu.

Ekipa Vijilánsia Epidomolojia mós foti ona amostra husi  pasiente ne’ebé deskonfia hetan sintoma Covid-19 iha husi  Sentru Saúde Comoro.

Antes ne’e, iha loron 19 fulan Abril SIJK mós deklara iha pasiente ida, halai sai husi Sentru Saúde Comoro hafoin profesional saude sira esplika ba pasiente katak deskonfia hetan sintoma COVID-19.

Rui esplika, pasiente refere dadauk ne’e halao hela autokuarentena iha nia uma tanbá la priense kriteriu epidomojiu no laiha istoria pasiente halo kontaktu ho ema ruma husi nasaun afetadu.

“Ekipa Vijilánsia Epidomolojia ba haree kedas iha nia uma halo intrevista no nia laiha kontaktu signifika laiha ema mai husi fatin risku halo kontaktu ho nia, ou ema konfirmadu halo kontaktu ho nia, no nia hatudu duni sintoma hanesan infesaun respiratoriu aguda bain-bain,” esplika, Rui de Araújo.

Iha dadus ne’e mos hatudu ema ne’ebé halao hela kuarentena hamutuk 597 ne’ebé kompostu husi Munisipiu nian, nain 15 halo  auto kuarentena, nain 108 hala’o kuarentena no nain 474 kuarentena iha Díli.

Husi numeru hirak ne’e, iha mos profisionais saúde 23 ne’ebé halao mos kuarentena tanba durante ne’e hala’o servisu iha fatin izolamentu no kuarentena sira.

Governu husu PR atu estende tan EE ba loron 30

Governu liu husi reuniaun Konsellu Ministru Estraordináriu ne’ebe hala’o iha Ministériu Finansa Ai-tarak laran, Kuarta feira ne’e deside husu ba Prezidente Repúblika konaba estensaun Estadu Emerjénsia ne’ebe mak sei termina iha loron 26 fulan ne’e.

“Nesesidade atu extende estadu emerjensia ida ne’e bazeia ba evolusaun situasaun epidimolojika no proliferasaun husi cazu covid-19 rejistadu ba contajiu husi covid-19 iha território nasional ho eskala global  no ejiji manutensaun ba aplikasaun husi medida extraordinário sira ho karater urjente atu bele trava surto covid-19 iha Timor-Leste”, hatete komunikadu ba imprensa  ne’ebe GMN assesu husi Gabinete Presidensia Gonsellu Ministru segunda(20-04).

Entretanto Prezidente Repúblika, Francisco Guterres Lú Olo, iha 27 marsu, liu husi Dekretu Prezidensiál númeru 29/2020 deklara Estadu Emerjénsia durante loron-30, hahú husi husi 28 marsu to’o 26 abril 2020.Ida/Oct


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker