GMN TV Saude e Educação MEJD kontinua fó sai programa eskola ba uma no distribui livru ba eskola iha área rural

MEJD kontinua fó sai programa eskola ba uma no distribui livru ba eskola iha área rural

0 views

[:tl]

Relasiona ho situasaun surtu COVID-19, atividade ba aprendizajen iha eskola ensinu báziku to’o iha nivel universitáriu suspende temporário.

Nune’e,Governu liu husi, Ministériu Edukasaun Juventude no Desportu (MEJD) esforsu nafatin atu estudante sira labele abandona sira nia estudu  maibé estudante sira bele asesu prosesu aprendizajen liu husi kanal televizaun,rádiu no média online.

Maske  nune’e iha parte seluk estudante sira iha aréa rurais ne’ebé mak laiha asesu ba aparelu hirak ne’e, MEJD esforsu ona hodi distribui livru materia eskola ba sira.

“Ministériu la’os nonok, ami hanoin katak iha prosesu hela i eskola balun, komesa ona ba estudante sira ne’ebé maka laiha asesu ba iha televizaun, radíu nomos internet ami hahú fahe livru, serbisu hamutuk ho sentru integradu jestaun krize (SIJK), atu nune’e ita respeita nafatin, regras prosidementu ba Estadu Emerjénsia, por-exemplo distansiamentu sosial, depois labele halibur ema barak dala ida,” dehan, Ministra Edukasaun Joventude no Desportu, Dulce de Jesus  ba JN-Diário iha Vila- Verde Dili, Tersa (21/04/20).

Dulce hatutan, iha eskola ne’ebé mak iha livrus, maibe laos eskola hotu-hotu iha livrus atu to’o ba estudante sira.

Maibé, nafatin katak iha situasaun hanesan ne’e ita labele dehan tamba laiha livru entaun livru uit-oan ne’ebé maka iha ita labele fahe. Ita fahe, depois estudante sira ne’ebé mak asesu, sira haree televizaun sira mós bele lê livru ne’ebé mak sira iha.

Ba sira ne’ebé mak laiha ne’e, laos dehan katak, kuandu to’o eskola loke fila fali sira ita tenke fo notas ladiak ba sira. Agora dadauk mós ita dezenha meius aula reforsu saida maka fó ba estudante sira hotu, dehan, Dulce.

Tuir kalendariu aprendizájen nian, iha loron (13/04/2020) iha ona prova avaliasaun ba estudante sira, hahú husi sétimu ano to’o iha décimo segundu. Maibé prova avaliasaun ne’e lahalo tamba iha situasaun Estadu Emerjénsia  nune’e ministériu reforsu hodi haree fila-fali meius seluk atu halo no wainhira eskola loke fali estudante sira bele nafatin iha valór iha primeiru periodu.

“Tamba wainhira fó ferias extraordináriu ne’e kuaze tama ona semana ikus ba ferias entaun iha ne’eba professores sira iha ona valor ruma husi janeiru, febreiru nian. To’o iha marsu sira iha valór entaun ita iha meius de avaliasaun ida iha ministériu edukasaun nian maka avaliasaun formativu. Entaun professora sira mós bele uja valór avaliasaun formativu bele konsidera hanesan mós sira nia valór ba iha primeira period,”.esplika, Dulce.

Oras ne’e dadaun MEJD halo ona distribuisaun livru matéria eskola nian, ba munisípiu hat hanesan kompostu husi Munisipiu Manatuto, Ermera, Likisa no Ainaro, programa ne’e hetan apoiu husi Estadus Únidus Amerika liu husi programa.

“Sira agora daduk mós desde fulan janeiru momentu ke governu ita seidauk iha fós ba eskola sira ba merenda eskolar liu husi programa ida ne’e ne’ebé mak implementa husi organizasaun care internasional fahe fós ho mina ba eskola sira ho koto ba eskola sira hodi kontinua programa merenda eskola,” haktuir, Dulce

Dulce aprofunda liutan, Maibé haree ba kuaze atu fulan ida ona, mak eskola sira taka, tuir sira nia haree katak, hahan sira ne’e sei estraga kuandu la distribui entaun ami haruka ona karta ba iha sua exelensia sr. Primeiru Ministru iha ona resposta.

Permite ministeriu edukasaun hamutuk ho care internásional ho nafatin sentru intregadu jestaun de krize ne’ebé mak ninia estabele ona to’o iha munisipiu, iha ne’ebá sei serbisu hamutuk ho lieders lokais sira inan aman sira, iha suku, iha munisípiu.

Atu nune’e wainhira distiribui fós ne’e fós ne’ebé mak ba merenda eskolar ne’e iha eskola sira ne’e distribui fós au mesmu tempu distribui kedan livru sira ne’ebé ke iha eskola ne’ebá atu nune’e mesmu ke nia atu livru istoria ida ka livru sira iha ne’ebá ami hakarak hasai ba  sira atu nune’e estudante sir abele estuda”, tenik, Dulce.

Dulce esklarese, wainhira situasaun surtu covid-19 ne’e kontinua nafatin, husi parte MEJD sei la nonok. maibé sei kontinua esforsu hodi dezenha programa, nune’e mós sei uja esperensia husi nasaun seluk  ho kapasidade ne’ebé mak iha sei halo programa atu atua ba situasaun agora .

“Ami nafatin halo kontaktu nasaun ne’ebé mak iha programa sira hanesan ne’e ho nasoens unidas ho unicef , unesco, organizasaun sira ne’ebé mak sira nia responsabilidade ba asuntu edukasaun nune’e países sira ne’ebé maka ita iha ligasaun ho sira aprende ba malu atu hare katak oinsa maka sira atua situasaun ida ne’e, saida mak ita bele foti, atu bele  kontestaliza ho ita nia situasaun i sira mós laos ita hetan husi sira agora dadauk ita nia programa ba uma mós liu husi unicef, nasaun barak mós husu sira aprende husi ita, oinsa mka bele halo programa iha tempu badak i mós tempu badak i mós programa ida  sai dala ida, responde hotu kedas ba priméiro ano to’o  sexto ano”.Nia, hatutan.

Kona-ba klase ba sétimu to’o nono ano iha problema oitoan tamba laiha livru diréitu autór tamba produs halo ne’e iha universidade ida iha portugal, maibé ba livru ensinu sekundáriu jéral no tékniku vokasional agora iha ona website MEJD nian nune’e estudante sira bele asesu liu husi internet.Luc 

 [:]


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker