GMN TV Saude e Educação PM Taur orienta SIJK hadiak liu tan servisu

PM Taur orienta SIJK hadiak liu tan servisu

0 views

Primeiru Ministru (PM), Taur Matan Ruak, orienta ekipa Sentru Integradu Jestaun Krize (SIJK), atu hadiak liu tan servisu ne’ebé mak durante ne’e implementa ona.

Xefi Governu Taur Matan Ruak, hato’o lia hirak ne’e, hafoin SIJK atualiza informasaun kona-ba moras COVID-19, ne’ebé mak sai ema hotu nia preokupasaun.

“PM konvida ami mai atu atualiza situasaun, kona-ba moras ne’ebé ita hotu preokupa, PM mos orienta oinsa mak ami bele hadia diak liu tan, servisu ne’ebé mak durante ne’e la’o,” afirma, Diretór Sentru Integradu Jestaun Krize, Brigadeiru Jeneral, João Miranda ‘Alucdescartes’, iha Palasiu Governu, Kuarta (22/04/2020).

Alucdescartes hatutan, preokupasaun ne’ebé mak hato’o husi komunidade, hato’o ona ba PM, maibé ida ne’e hein desizaun husi superior, liu-liu kona-ba estende Estadu Emerjénsia ou hakotu Estadu Emerjénsia, ne’e desizaun husi nai ulun sira iha Parlamentu Nasionál.

“Regras ne’ebé implementa durante Estadu Emerjénsia iha nesesidade ita halo revizaun, tamba sé ita de akordu ho situasaun evolusaun ida ne’e, sé ita tama ba iha faze tuir mai, klaru ke medidas ne’ebé ita aplika iha faze ida ne’e, ita sei halo mudansa ba implementasaun medidas sira,” tenik, Aluc.

Diretór SIJK ne’e esplika, agora atu muda nivel de risku ida ne’e, depende evolusaun situasaun, no depende aprovasaun husi Parlamentu Nasional sé iha ka laiha nesesidade, sei halo estensaun ba Estadu Emergensia ida ne’e.

Konsellu Ministru, Kuarta (22/04/2020), ne’ebé realiza iha, sala auditóriu Kay Rala Xanana Gusmão, iha Ministeriu Finansas, aprova proposta dekretu Lei, ne’ebé aprezenta husi Primeiru Ministru, Taur Matan Ruak.

Tuir komunikadu ne’ebé GMN asesu husi Gabineti Prezidensia Konsellu Ministru katak, projeitu dekretu lei ne’e kona-ba, regulamentu Sentru Integradu Jestaun Krize(SIJK).

Tuir lei númeru 2/2010 loron 21 fulan abril, kona-ba seguransa nasionál ne’ebé, kria ona Sentru Integradu Jestaun Krize.Cin


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker