Sentru Intregadu Jestaun Krize (SIJK) garante ekipamentu médiku ba prevensaun COVID-19 ne’ebé ajuda husi governu Xina ho kualiadade ne’ebé diak tanba hetan ona verifikasaun husi Organizasau Mundial Saúde (OMS).
“OMS hatete katak ema ne’ebé simu sasan pakote husi Xina laiha rizku atu hetan daet husi COVID-19, husi analiza ne’ebé halo virus ne’e labele moris naruk iha buat sira hanesan suratahan, karta no sasan iha pakote nia laran, tekniku husi Ministeriu Saúde no apoiu husi OMS verifika ona espesifikasaun no kualidade husi ekipamentu no bens ne’ebé to’o horseik tuir espesifikasaun ba OMS nian,” dehan, Porta Voz SIJK, Rui Maria de Araújo iha Centro Convenções Dili, Kuarta (29/04/2020).
Rui esplika maske nasaun balun ho nia planu rasik hodi rezeita atu simu ekipamentu sira ne’e maibé Governu Timor-Leste nafatin manetin hodi simu tanba ekipamentu sira ne’e hetan ona verifikasaun husi OMS.
Eis Primeiru Ministru mos husu públiku atu labele fiar ho informasaun saida deit ne’ebé la kredivel hanesan media sosial no notisia hoax sira hodi kontinua provoka situasaun sai ladiak.
Ekipamentu médiku hirak ne’e to’o iha Aeroportu Internasional Nicolau Lobato iha loron 28 fulan abril tinan ne’e ho aviaun Citylink.Ida
| Dadus COVID-19 Timor-Leste 29/02/2020 | ||||||
| Suspeitu | Konfirmadu | Rekopera | Ativu | Provável | Hein Rezultadu | Mate |
| 629 | 24 | 2 | 22 | 0 | 215 | 0 |
