Eskola Ensinu Báziku Filial (EBF), 12 de Outubru Tasi-Tolu, desidi fahe ensinu aprendizajen ba turma tolu lor-loron, tanba númeru estudante ne’ebé rejista iha eskola ne’e, barak liu fali aula no mós professor sira.
Turma dahuluk nia prosesu aprendizajen, hahú husi tuku 8 dader to'o tuku 11 ho balun, turma daruak iha tuku 11 ho balun, to'o tuku ida, ho balun, no turma datoluk nian prosesu aprendizajen, husi tuku 2 to'o tuku 5 ho balun.
Kordenadora EBF 12 de Outubru Tasi-Tolu esplika, ho desizaun ne’ebé eskola foti, hodi fahe turma ne’e atu bele garante, prosesu aprendizajen bele la'o ho di’ak.
"Ita bele dehan katak eskola 12 de outubru kada tinan alunu sempre Aumenta nee ita rasik haree realudade nebe akontese iha Aldemia 12 de Outubru Suku Komoro tamba ami mós iha ligasaun oituan ho autoridade lokal sira nebe mak ami hatene kona-ba Populasaun suku Komoro aldia barak inklui aldeia 12 de Outubru nebe que tama ba iha suku", hatete Filomena Casmira, ba JNDiário, iha Segunda (04/04).
Alénde ne’e iha Ensinu Basiku Filial 12 De Outubru, reativa ona programa merenda escolar, iha sexta semana kotuk,
Ensinu Báziku Filial 12 De Outubru, rejista estudante liu rihun ida atus sia resin, kompostu feto atus sia resin, mane rihun 1 resin, no Professor 40.Adé
