GMN TV Saude e Educação Feto 312 kona HIV-SIDA

Feto 312 kona HIV-SIDA

0 views

Feto Timor-Leste hamutuk nain 312 mak kona moras Human Immuno Deficiency Virus/ Acquired Immuno Deficiency Syndrome (HIV-AIDS) husi ema nain 642.

Moras ne’e daet husi relasaun seksual, tanba iha mundu agora adopta sistema ransu livre, konsumu aimoruk droga no uza daun tatto arbiru.

“Tuir dadus ne’ebe ami hetan, iha tinan 2016 ne’e iha ema nain 642 mak kona ona moras HIV-SIDA ne’ebe kompostu husi feto hamutuk nain 312 no mane nain 330 ne’ebe ho idade husi tinan 25 to’o 44,”dehan Daniel Marcal ba Jornalista sira hafoin hala’o sosializasaun ba konsellu do suku iha administrasaun munisipiu Dili, Kinta (20/4/2017).

Daniel haktuir Individu ne’ebé maka afeitadu husi virus HIV lakoi halo tratamentu lalais ba hospital, signifika ema ne’e lakohi moris naruk, basá virus HIV kuandu nakfilak ona ba AIDS ema ne’ebé afeitadu nia sei lamoris tinan naruk.

CNCS-TL sempre apelu ba ema hotu liu-liu joventude sira atu kuidadu an, hadook an husi sexu livre no uza daun tatto ne’ebe bele hada’et virus HIV.

Tantu rezultadu sosializasaun ne’ebé CNCS-TL halo, bele hamosu ema ninia konsiensia, hanesan uluk ema ne’e nakar, agora labele nakar tan.

Iha fatin hanesan Sekretariu Expediente Jeral Autoridade Munisípiu Díli (AMD), Jeca Smith hatutan administrador iha responsabilidade bo’ot ba populasaun tomak iha kapital Díli hodi fó apoiu makaas CNCS-TL ninia servisu. TL nasaun ida ne’ebé kiik ho povu uitoan, sé ema uitoan ne’e kona hotu moras AIDS, se mak ukun rai ne’e iha futuru.

Tuir Primeira Dama Isabel Ferreira, moras HIV-SIDA kona ema ida tanba nia rasik la respeita no la hadomi nia an.

“Nudar feto tenki kuidadu an didiak, tanba feto nia dignidade importante tebes. Virus ne’e kona ema ida signifika nia rasik mak la respeita no hadomi nia an, tanba moras ne’e mai husi relasaun livre dehan Isabel.

Nia hatutan moris iha mundu hanesan viajen deit, nune’e tenki viajen ho diak, atu bele hetan moris ne’ebe dignu iha fatin seluk.Ita/ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker