GMN TV Saude e Educação Operasaun hala’o bazeia ba kondisaun pasiente

Operasaun hala’o bazeia ba kondisaun pasiente

0 views

Prosesu operasaun ne’ebé maka médiku operador sira halo ba pasiente iha Hospital Nacional Guido Valadares (HNGV) ne’e bazeia ba kondisaun no situasaun ne’ebé maka pasiente sira senti, la’os tanba orden ruma.

“Iha ne’e ami servisu bazeia ba pasiente sira ninia kondisaun no situasaun ne’ebé maka sai ezijensia ba ita atu opera ka la opera, la’os tanba orden ka oinsa, maibé autómatikamente ninia funsaun maka hanesan ne’e ona, tanba ne’e maka sala operasaun ne’e funsional 24 oras hodi atende pasiente sira ne’ebé maka ho kondisaun no situasaun ne’ebé katak alternativu ikus maka liu husi prosesu operasaun,” Médiku Operador HNGV, Nilton Tilman ba jornalista iha ninia knaar fatin HNGV-Díli, Segunda (17-04-2017).

Nia esplika katak, moras ho típu rua oin rua maka sempre médiku operador sira opera, hanesan doenças electivos ou operasaun ne’ebé hala’o urjenti, ida fali maka operasaun emerjensia ba kazu emerjensia ne’ebé hakarak ka lakoi médikus sira tenki opera iha tempu saida de’it la haree ba oras servisu.

“Memang loos duni ami iha dadus estatístika semanal, mensal no anual ba númeru pasiente ne’ebé maka ami opera ne’e iha hotu diresaun ne’ebá, agora dau-dauk mós dadus operasaun ninian ne’e sei la’o hela, maibé ha’u la’os opera dadus estatístika maibé ha’u opera pasiente, ne’ebé sé pasiente dalaruma tama mai to’o fali 100 mós ami tenki opera, sé pasiente laiha mós ami la naran inventa kazu para opera,” dehan Nilton Tilman.

Nia akresenta mós katak, durante ne’e situasaun iha sala operasaun ne’e sempre lao ho normal, só dalaruma iha kestaun non teknis ruma maka impede médikus ninia servisu hanesan ekipamentus ne’ebé maka ninia funsaun hodi suporta servisu médiku operador ninian hanesan makina ventilador la la’o, sé la’e dalaruma aimoruk laiha, bee laiha, dalaruma eletrisidade mate, mais temporaria de’it, maibé prosesu operasaun kontinua la’o.

“Por que ami iha sala operasaun la halo funsaun ne’e, dentro de minutes de’it dalaruma ema ne’ebé atu halo operasaun ne’e mate, nune’e sala operasaun ninia servisu ne’e bazeia ba situasaun no kondisaun,” haktuir Médiku Operador HNGV.

Nia relataa katak, nune’e laiha ema ida maka atu mai hanorin fali pesoal sáude sira, tanba pesoal saúde ida-idak sira hatene sira ninia servisu no sira ninia funsaun. ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker