GMN TV Saude e Educação Komemora restaurasaun independensia ba tinan 16, UNTL realiza semináriu no expozisaun fotografia

Komemora restaurasaun independensia ba tinan 16, UNTL realiza semináriu no expozisaun fotografia

0 views

Atu komemora loron restaurasaun independensia ba dala 16, estudante Universitáriu Nasional Timor Lorosa’e (UNTL), Departamentu Komunikasaun Sosial, Fakuldade Siensia Sosiais realiza seminariu no expozisaun fotografia.

Vise Dekanu Fakuldade Siensia Sosiais, Bernardo Idalina Leto informa, atividade seminar ne’e  ho ninia titulu jerral mak  freme sosiedade depois  tinan 16.

“Atu komemora  ita nia independensia Timor-Leste, Fakuldade Siensia Sosiais liu husi departamentu komunikasaun social halo atividade seminar. atividade ida ne’e halo mós expozisaun estudante sira husi departamentu komunikasaun social, no iha seminar ne’e rasik mós sira konvida orador nain rua hodi ko’alia kona ba mudansa sosiedade Timor-Leste iha indepensia tinan 16, no orador seluk ko’alia kona ba expozisaun iha área nu’udar foto grafer  ba área jornalismu nian,” hateten Bernardo Idalina Leto ba Jornalista iha Kampus Faspol Kaikoli Dili Kuarta 16/05.

Nia hatutan, iha oportunidade ne’e, bele fahe esperensia ba estudante sira, liu-liu estudante departamentu  komunikasaun social,  tanba material sira ne’e liga direita ba siensia, ho nune’e ho informasaun ne’ebé mak sira hetan, bele aumenta sira nia kapasidade nomós bele benefisia ba sira nia futuru.

Bernardo Idalina Leto haktuir, semináriu ne’e inisiativa husi estudante departamentu komunikasaun social  rasik, no sira mós halo proposta ba Timor plaza no loja silvia.

“Iha nivel fakuldade ita haree katak, departamentu komunikasaun social  durante ne’e ativu tebes iha atividades hanesan, loron bo’ot  ita haree iha semana liuba sira mós halo seminar ida hodi komemora loron bo’ot mundial imprensa nian, tuir fakuldade nia haree durante ne’e departamentu ida ne’e ativu tebes iha eventu sira hanesan ne’e,   ida ne’e mós parte ida atu hatoman estudante atu bele aumenta sira nia konesementu iha área refere,” katak Bernardo Idalina Leto.

Iha fatin hanesan, Vise Xefe Departamentu komunikasaun Social, Dulce Martins husu ba orgaun media hanesan jornalista atu  sai ajente transformador liu husi fotografia freme, atu hatudu ba Estadu,  nune’e bele hatene realidade moris povu nian.

“Durante ne’e departamentu komunikasaun mós hola parte ona debate área jornalismu nian, kona ba halo  dokumentasaun kona ba filme iha rai liur ne’ebé balu hetan premeiru lugar no balu hetan segundu lugar,” hateten Dulce .

Nune mos Estudante Departamentu komunikasaun Social,  Fidelia Araújo konsidera semináriu ne’e importante tebes tanba bele aumenta konesimentu estudante sira nian iha área jornalizmu, liuliu iha área fotografia.

Partisipa iha semenariu ne’e estudante sira husi departamentu komunikasaun social, no dosente sira.aba


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker