GMN TV Saude e Educação Eskola São Pedro Komoro lansa website Biblioteka online

Eskola São Pedro Komoro lansa website Biblioteka online

0 views

Eskola Baziku no Sekundariu São Pedro Komoro, lansa website Biblioteka online ho naran São Pedro Education, hodi fasilita estudante sira atu asesu ba biblioteka liu-liu atu asesu ba informasaun relasiona ho matéria ne’ebé sira aprende iha prosesu aprendizajen.

Diretor Eskola São Pedro Komoro, Padre Adérito da Costa SDB, hatete ho lansamentu biblioteka online ne’e bele fasilita estudante sira atu le’e barak liu tan, tamba durante iha duni biblioteka, maibé la sufsiente ba estudante sira atu asesu hotu.

“Ha’u sukat ho orsamentu ne’ebé iha viável atu halo biblioteka online, entaun ami husu apoiu inan-aman sira hodi selu tinan ida dolar 50 ($50.00) ba biblioteka online”, hateten Diretor Eskola São Pedro Komoro, Padre Aderito da Costa SDB, ba JN-Diário, Kinta (16/05/2019) iha Komoro Díli.

Pe. Adérito da Costa SDB, haktuir biblioteka online seidauk sufsiente tamba foin hahu ho deit kumputer 40 no sala biblioteka sei akuma estudante nain 70 deit, maibé ba oin sei halo mudansa no biblioteka ne’e rasik estudante sira sei uza gratuita tamba matéria ne’ebé iha website mai husi matéria ne’ebé estudante sira aprende iha eskola ga kurikulum Ministériu edukasaun nian.

“Kada tinan ami selu ba website biblioteka online ho orsamentu $200, no manutensaun ida ne’e ami sei fo ba kriador website ne’ebé mai husi alumni Salesianu Dom Bosko rasik, ne’ebé nia kustu ami sei fo hanesan osan ba transporte deit, tamba kriador website sira mos hakarak fo kontribuisaun ba ami nia eskola,” dehan Pe. Adérito da Costa.

Iha fatin hanesan Ministra Edukasaun Joventude no Desportu (MEJD), Dulce de Jesus, apresia ho inisiativa ne’ebé Saun Pedro halo tamba bele halo planu hari’i rasik website iha eskola maske Ministériu rasik la fo apoiu.

“ Ha’u sei dezafia fúnsionariu sira iha Ministériu sira katak, tamba sa eskola São Pedro bele iha webiste nusa Ministériu la halo ida ne’e, tamba eskola halo website la haree ba apoiu ruma husi Ministériu no la haree ba kustu ne’ebé bo’ot maibé ho apoiu inan-aman eskola bele lansa sira nia website”, dehan nia.

Dulce de Jesus, agradese ba profesores husi eskola São Pedro, tamba fo importansia ba siensia liu husi pratika no karik durante tinan ida Ministériu labele organiza expozisaun no apoiu formasaun ida deit maibé eskola São Pedro deside hodi halo selebra loron nasional siensia hodi hatutan buat ne’ebé iha ho atividade pedagojika hodi aumenta estudante sira nia kapasidade.Fel


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker