GMN TV Saude e Educação Expedito-Antoninha sai vensedor dansa kultura DIT

Expedito-Antoninha sai vensedor dansa kultura DIT

0 views

Atu kontinua konserva, promove kultura no identidade Timor-Leste, hahú husi loron 26 to’o 27 fulan Abril no remata iha loron 4, fulan Maiu, Díli Institute of Technology (DIT) hala’o eventu dansa kultural nono no nonoi DIT 2019.

Durante kompetisaun loron tolu ne’e reprezentante husi kada eskola sekundaria par ida, kompostu husi munisípiu no Díli maka konkore iha eventu dansa kultural nono no nonoi DIT 2019 ne’e, maibé iha finalidade husi kompetisaun ne’e konkorente parseiru husi eskola Colegio Paulo VI ho naran Expedito Ximenes no Antoninha Martins maka sai vensedor ba primeiru lugar.

“Ha’u kontenti demais no ha’u la imajina, ha’u bele hetan primeiru lugar, tanba ne’e uluk na-nain, ha’u agradese ba aman Maromak, tanba husi nia tulun, ha’u bele hetan primeiru lugar, no mós ba ema sira ne’ebé maka iha ha’u nia sorin suporta nafatin ha’u, ha’u agradese tebes”, Expedito Ximenes ba GMN iha salaun Sekretáriu Estadu Juventude no Desportu (SEJD), Díli, Sábadu (04-05-2019).

Expedito senti orgullu no kontenti teb-tebes, tanba hamutuk ho ninia parseiru Antoninha Martins konsege sai manan na’in ou vensedor primeiru ba eventu dansa kultural nono no nonoi DIT 2019.

“Ha’u husu ba joventude hotu atu keta ta’uk atu hatudu ita nia talentu, ita tenki barani hatudu ita nia talentu ne’ebé makai ha, hodi anima ema no hetan buat ruma”, parseiru mane husi eskola Colegio Paulo VI ne’e.

Iha fatin hanesan, vensedora husi eskola Sekundaria Colegio Paulo VI, Antoninha Martins hateten, nu’udar konkorente la espera katak, nia ho ninia parseiru Expedito Ximenes atu sai primeiru lugar ba eventu dansa kultural nono no nonoi DIT 2019 ne’e, maibé rezultadu ida ne’e sai motivasaun boot ba sira nain rua.

“Ha’u mós la espera atu manan, maibé ho laran kontenti ha’u hato’o obrigadu ba DIT, profesor no inan-aman sira, tanba ha’u la espera atu manan no obrigado barak ba imi hotu nia suporta, tanba husi imi maka ohin loron ha’u bele manan no ha’u lori Colegio Paulo VI nia naran ba oin”, salienta parseira feto husi eskola Colegio Paulo VI ne’e.

Partisipa iha kompetisaun dansa kultural nono no nonoi DIT 2019 ne’e husi estudante ensinu sekundária hamutuk 15, husi munisípiu no kapital Díli, eskola hirak ne’ebé maka tama to’o final husi munisípiu Díli, Aileu, Liquiça no estudante DIT.

Entretantu SEJD, Bank Mandiri, lider karismátiku Kay Rala Xanana Gusmão, TELCOMCEL, BNCTL, Timor Plaza, TELEMOR, Timor Telecom selu-seluk tan maka sai doador ba eventu ba eventu dansa kultural nono no nonoi DIT 2019. min


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker