GMN TV Saude e Educação [:tl]Númeru dengue kontinua aumenta, Rui Araújo enkoraja komunidade aktivu iha atividade hijene[:]

[:tl]Númeru dengue kontinua aumenta, Rui Araújo enkoraja komunidade aktivu iha atividade hijene[:]

0 views

Kazu moras dengue kontinua rejista aas iha Hospital Nasional Guido Valadares (HNGV), eis Primeiru Ministru no eis Ministru Saúde, Rui Maria de Araújo, enkoraja komunidade iha teritóriu Timor laran tomak, atu ida-ida prevene moras dengue liu husi aktividade higine.

 Rui Araújo hatete, normalmente moras dengue ne’e moras ida ne’ebé mai ho tempu udan, no entidades hotu hatene katak, moras refere mai husi susuk ne’ebé iha Timor-Leste oras ne’e dadaun, sai preokupasaun bo’ot, la’os iha Díli laran de’it, maibé mós iha Munisípiu hotu.

Tuir Rui Araújo,  dalan di’ak liu atu hakotu situasaun ida ne’e mak, tenki hetan tratamentu lalais, no idak-idak tenki rutina halo aktividade higine.

“Moras dengue ne’e, moras sagional, siknifika katak, mai ho tempu udan, depois kuandu bai loron ona nia mós lakon. Hanesan públiku hotu hatene, moras dengue ne’e  susuk mak provoka, no enfelizmente iha Timor agora susuk ida ne’ebe mak transmite moras dengue ne’e  sei barak, sei maka’as tebes”, hateten Rui Maria de Araújo, ba GMN iha edifísiu Grupo Média Nasionál Bebora Díli, Segunda (14/5/2019).

Eis Primeiru Ministru ne’e mós esklarese,  alende halo tratamentu ne’ebé mak lais ba iha fasilidade saúde, ba sira ne’ebé mak hetan moras dengue, dalan di’ak liu mak tenki hala’o aktividade higine ho aktivu iha idak-idak nia uma, tanba liu husi dalan refere mak bele prevene no kombate moras dengue.

“Limpeza higine iha idak-idak nia fatin, depois ema idak-idak kuidadu nia aan para susuk labele tata, ida ne’e mak importante, no ha’u nia hanoin informasaun ne’ebé públiku hotu hatene, susuk ida ne’e nia abitu tata ema ne’e mak iha bainhira rai atu nakaras, loron depois bainhira rai nakaras atu ba fali rai naroman, ida ne’e mak susuk barak”, esplika Rui Araújo.

Antes ne’e, ekipa konjuntu kombate moras dengue mós, halo ona sensibilizasaun masal iha área afetadu sira iha kapital Díli,  hodi fó hanoin ba komunidade sira oinsa prevene moras refere iha ida-ida nia Bairro no uma kain.ola


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker