GMN TV Saude e Educação Pasiente moras dengue kontinua rejista aas iha HNGV

Pasiente moras dengue kontinua rejista aas iha HNGV

0 views

Xefi  Departementu Banku Emerjensia Hospital Nasional Guido Valadares, doutor Nilton do Carmo da Silva,  informa, dadaun ne’e  númeru pasiente moras dengue iha sala emerjensia Hospital Nasional Guido Valadares (HNGV), kontinua rejistu aas.

Nilton  haktuir, total pasiente ne’ebé mak tama iha sala emerjensia HNGV  iha fulan Abril tinan ne’e, hamutuk 4.872, no husi númeru ne’e, moras dengue ho idade labarik kik oan hamutuk na’in 57.

“Dadus moras  dengue fulan kotuk ne’ebé mak dokumenta iha HNGV, liu-liu sala emerjensia hamutuk 4.872, no husi númeru ne’e iha adultu, iha pediátria, iha kazu polísia, kazu violénsia doméstika no mós iha kazu asidente tráfegu, maibé kazu moras ne’ebé mak ami katogoria aas ne’e mak moras dengue, fiver (DF), sei sai hanesan númeru aas, tuir fali mai iha mós adultu, maibé mós númeru bo’ot mak diárea,iha mós kazu maternidade, ami haruka direita ba iha sala maternidade, enkuantu kazu polísia iha 25, maibé husi númeru ne’e mais ou menus 10% de’it mak kazu emerjensia, enkuantu sira seluk ne’e kazu bai-bain ne’ebé mak lolos sira bele ba iha sentru saúde sira, maib’e sira mai iha ne’e ho ida ne’e mak númeru ne’e to’o bo’ot”, Informa Nilton do Carmo da Silva, ba Jornalista sira iha HNGV Bidau  Díli, (9/5/2019).

Nilton haktuir, númeru moras dengue ne’ebé mak desde inísiu udan monu rai to’o agora, rejistu nunka menus husi ema na’in rua nolu, maibé sempre liu ida ne’e, kada tinan hahú husi fulan Janeiru to’o fulan Abril, ne’ebé alende baixa iha mós pasiente moras dengue ho idade labarik ki’koan, ne’ebé mak la konsege salva nia vida, tanba mai ho kondisaun grave.

“Sim numeru pasiente tama iha ne’e boot duni maibe normalmente ami sempre  iha linha koordenasaun ho Departementu Pediatria nomos Departementu Interna para iha guia ida klaru kedas hateten dehan bainhira iha pasiente ida mai ho isin manas loron tolu ami tenki halo tratamentu hanesan tantu ba labarik kikoan nomos ba ema boot,atu nune’e labele ses husi gia ne’ebe mak departementu tolu ne’e halo,”Dotor Nilton haktuir.

Tuir Dotor Nilton HNGV hanesan ospital tratamentu terseiru ne’ebe diferente ho centru saude nomos postu saude ne’ebe halo deit observasaun maibe tenki halo tratamentu tanba ne’e maske ho kondisaun oinsa mos HNGV sempre atende pasiente ho tratamentu hanesan, enkuantu prevensaun  ba moras Dengue ne’e kompetensia Ministerio nian.

Tuir relatoriu ne’ebe mak antes ne’e Diretor Ezekutivu Hospital Nasional Guido Valadares, Dotor Aniceto Barreto, fo dadus  moras dengue ne’ebe mak  HNGV konsege rejistu  hahu husi fulan Janeiru too Marsu hamutuk nain 119 enkuantu fulan Abril hamutuk nain 57 total moras ne’ebe mak HNGV registu hahu husi fulan Janeiru too Abril hamutuk 176.Ola


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker