GMN TV Saude e Educação Stock aimoruk iha SAMES sufisiente ba HNGV no sentru saúde sira

Stock aimoruk iha SAMES sufisiente ba HNGV no sentru saúde sira

0 views

Diretora Ezekutivu  Servisu Autonomia Medikamentos e Ekipamentos de Saúde (SAMES) Odete Maria Freitas Belo informa,  dadaun  ne’e, stock aimoruk iha SAMES sufisiente atu distribui ba Hospital Nasional Guido Valadares (HNGV)  no sentru saúde sira iha teritóriu  tomak .

“Stock aimoruk  iha SAMES atu distribui ba HNGV no sentru saúde iha Timor laran tomak,  atu atende pasiente sira, dadaun ne’e sufisiente hela, tanba Governu halo akordu ho kompañia sira  husi nasaun hanesan Indonésia, Portugal  no Cuba atu hatama aimoruk. Ne’ebé laiha failansu ruma kona-ba hatama aimoruk husi rai liur, banhira aimoruk menus sempre kontaktu liu husi  email hodi fó imformasaun”, hateten Odete Maria Freitas Belo iha edifísiu SAMES  Kampung Alor Díli (16/05/).

Odete haktuir, to’o agora nia seidauk simu informasaun  kona ba aimoruk laiha, tanba departementu farmásia nutrisaun , sempre iha kolaborasaun servisu ho Diresaun Servisu Apoiu Diagnóstika Terapíotiku.

Odete mós  husu ba médiku sira atu halo pedidu ba SAMES,  bainhira haree aimoruk menus.

“SAMES mak hatama aimoruk  los duni, antes ne’e pasiente sira ne’ebé halo tratamentu iha HNGV preokupa, tanba pesoal saúde balun fó reseita ba pasiente hodi  sosa aimoruk  iha klínika pribadu sira”, relata Odete.

Antes ne’e  Diretur  Servisu Apoiu Diagnóstiku Terapíotika (DSADT), Nevio Sarmento, husu ba publiku, liu-liu pasiente no família pasiente atu halo keixa bainhira simu reseita husi médiku ruma atu sosa aimoruk iha farmacia, ho razaun aimoruk  laiha.aba


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker