GMN TV Saude e Educação Dadus COVID-19 TL husi SIJK diferente ho dadus mundial

Dadus COVID-19 TL husi SIJK diferente ho dadus mundial

0 views

Dadus kona-bá kazu rekoperadu Corona Virus Disease 2019 (COVID-19) iha Timor-Leste (TL) ne’ebé fó sai husi Sentru Integradu Jestaun Krize (SIJK) diferente ho dadus husi sítiu referénsia estatístika real kona-bá COVID-19 iha nível mundiál.

Sítiu World Meters no Corona Tracker hanesan pájina referénsia ne’ebé fornese dadus estatístika mundial relasiona ho Corona Virus Disease 2019 (COVID-19) ne’ebé jere husi ekipa peskizadór no voluntáriu internasionál.

Tuir observasaun ne’ebé GMN halo ba sítiu ofisiál rua (2) ne’e hanesan www.worldometers.info no www.coronatracker.com hatudu katak númeru kazu konfirmadu COVID-19 iha TL mantein 24, husi númeru ne’e na’in 21 rekoperadu no na’in 3 mak sei aktivu.

Maibé dadus husi sítiu 2 ne’e diferente tebes ho dadus husi SIJK ne’ebé fó sai númeru kazu konfirmadu hanesan, maibé númeru rekoperadu na’in 18, ho nune’e, na’in 6 sei kontinua aktivu.

Relasiona ho ida ne’e, Porta-Voz SIJK, Sergio Lobo, seidauk bele resposta klaru kona-bá dadus hirak ne’e, maibé konsidera katak númeru rekoperadu aumenta, tanba konta ho kazu provavel sira.

“Kona-bá dadus ne’e, dalaruma sira la konsidera ho númeru provavel, maibé ita sura hotu númeru provavel ne’e pozitivu hotu, tanba ne’e mak númeru rekoperadu ita ni’an 22 ne’e sura husi kazu konfirmadu 18 no na’in 4 provavel sira”, Porta-Voz SIJK ne’e iha Centro Convenções de Díli (CCD), Tersa (12-05-2020).

Maske TL bele halo ona teste liu husi Laboratóriu Nasionál, maibé Governu nafatin koopera ho óspital Royal Darwin-Australia, hodi halo teste konfirmasaun ba kazu COVID-19 iha TL. ida


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker