GMN TV Saude e Educação Inísiu fulan Maiu, SIJK la rejista kazu COVID-19

Inísiu fulan Maiu, SIJK la rejista kazu COVID-19

0 views

Porta Voz Sentru Integradu Jestaun Krize (SIJK), Odete Viegas relata, durante inisiu fulan Maiu tinan 2020, seida’uk deteta kazu konfirmadu COVID-19 foun iha Timor-Leste (TL) tanbá maioria teste hatudu rezultadu negativu.

Hahu husi loron 10 fulan Marsu to’o loron 4 fulan Maiu ekipa Saúde konsege halo ona teste ba suspeitu nain 706 no rezultadu hatudu ema 579 husi numeru refere negativu COVID-19.

Dadus COVID-19 Timor-Leste 04/05/2020
Suspeitu Konfirmadu Rekopera Ativu Provável Hein Rezultadu Mate
706 24 16 8 0 103 0

“Depois de primeiru kazu pozitivu ne’ebe deteta iha 21 Marsu no kazu ikus iha dia 24 de abril, ho total 24, ho grasa maromak nian seidauk iha fali kazu foun, iha sorin seluk, kazu rekoperadu hahu aumenta to’o ohin loron hamutuk ona 20 inklui ho provavel nain 4, ema baixa agora iha izolamento Vera Cruz hamutuk ema nain 8,” dehan, Odete Viegas liu husi konferensia ba imprensa iha Centro Convenções Dili, Segunda (04/05/2020).

Odete hatutan, hafoin tama ba Estadu Emerjénsia daruak, hare buat balun la’o diak ona hanesan mantein nafatin taka fronteiras, pontus de entrada, aeroporto, maritima, nune bele fó biban ba ekipa Ministeriu Saúde nian hamutuk ho SIJK atu bele organiza-an diak liu hodi prepara kondisaun ba oinsa atu halo screening ba populasaun ne’ebe planeia ona husi ekipa survei lance ho laboratoriu.

Iha tempu hanesan, ekipa resposta rapidu atu bele prepara mos infraestrutura ba fatin izolamentu iha Díli no mos Munisipiu sira, nune’e molok Estadu Emerjénsia faze daruak hotu Timor-Leste (TL) mos preparadu ona hodi hasoru situasaun nebe’e kritiku karik bele mosu iha futuro oin mai.

Tuir dadus ne’ebé fo sai husi Sentru Integradu Jestaum Krize iha loron 4 fulan ne’e, iha ema nain 103 mak sei hein rezultadu teste COVID-19 no kazu konfirmadu sei mantein 24 ne’ebé husi numeru refere ema nain 16 mak rekopera ona.Ida


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker