GMN TV Saude e Educação Janeiru–Maiu dengue hamate ema na’in 6

Janeiru–Maiu dengue hamate ema na’in 6

1 views

Diretora Saúde Munisípiu Díli (SMD), Agostinha Segurado, informa, hahú husi fulan Janeiru to’o Maiu, tinan ne’e, númeru pasiente ba moras dengue sa’e ona ba 706 no konsege hamate ona ema na’in neen (6).

Maske númeru ne’e sae ona ba 706, maibé iha ona redusaun, tanba estimasaun kada loron iha fulan Maiu nia laran, loron ida rejista de’it pasiente dengue ida no dalaruma laiha.

“Fomegasaun ba iha aktividade hakotu moras ka susuk dengue la’o, maibé komparasaun fulan kotuk ho fulan ida ne’e, númeru la sa’e maka’as, iha fulan kotuk loron ida bele detekta pasiente na’in lima (5) to’o 10, maibé ba fulan Maiu, dalaruma loron ida (1) bele identifika ema ida (1) no dalaruma laiha”, Diretora SMD ne’e iha salaun enkontru SMD, Kinta (21-05-2020).

Agostinha akresenta, aktividade fomegasaun no abitizasaun ne’ebé hala’o hahú husi loron 8, fulan Abril, remata ona iha loron 15, fulan ne’e, hetan mos apoiu husi Hospital Nacional Guido Valadares (HNGV) no Cruz Vermelha de Timor-Leste (CVTL).

“Apoiu ne’e hodi prepara servisu ba tinan ida ne’e di’ak liu tan iha prevensaun moras dengue, SMD sei husu nafatin ba Ministeriu Saúde no parseria sira atu suporta nafatin”, tenik Diretora SMD ne’e.

Tuir dadus ne’ebé fó sai husi SMD iha fulan Marsu, rejista kazu dengue 245 no fulan Abril, kuaze 300, maibé hafoin halo fomegasaun iha fulan Maiu nia laran númeru moras ne’e menus ona husi 100.

Númeru ISPA aas iha kapital Díli

Servisu Saúde Munisípiu Díli (SMD) identifika mós katak, moras ISPA (Infesaun Sistema Respiratóriu Aguda) domina iha sentru saúde sira iha kapital Díli, tanba rejista ona rihun 10 resin durante fulan Abril, tinan ne’e.

Diretora SMD, Agostinha Segurado, hateten, tuir dadus husi ekipa vijilánsia kada semana rejista moras ISPA kuaze rihun ida resin iha Sentru Saúde ne’ebé eziste sira iha kapital Díli.

“Moras maka’as liu mak ISPA, Díli sei nafatin tuir mak diarea no moras kulit mós, moras tolu (3) mak aas liu, depois dengue mós nafatin aas tebes, saúde publiku ne’e problema boot, ita haree hela fatin, bee moos susar tebes, dalaruma ita ko’alia diarea no ISPA ne’e labele iha, maibé bee atu fase-liman no roupa de’it susar, entaun ida ne’e ema hotu nia preokupasaun”, Diretora SMD ne’e iha salaun enkontru SMD, Kinta (21-05-2020).

Agostinha akresenta, númeru moras hirak ne’e aumenta maka’as, tanba kondisaun ambiente no natureza ne’ebé ladún saudavel ba komunidade.

“Parte saúde sei nafatin garante ai-moruk ba moras hirak ne’e atu labele fó risku maka’as ba komunidade sira. Nune’e mós liu husi orientasaun husi Ministériu Saúde hodi halo triajen no vijilánsia sentinel servisu SMD konsege foti ona amostra 213, hodi halo teste ba Corona Virus Disease 2019 (COVID-19)”, tenik Diretora SMD ne’e.

Entretantu durante fulan Abril, tinan ne’e, SMD rejista pasiente ho moras ISPA hamutuk 10.897, tuir kedas ho moras kulit hamutuk 1.557 no diarea 1.483. ida


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker