Jestór Klinika Bairro-Pite, Inácio dos Santos hatete, maske infrenta problema kona-bá orsamentu,sira laiha hanoin atu muda klinika refere ba klinika privadu, tanba bele fó ameasa ba pasiente kbi’it laek sira nia vida.
“Tratamentu ba kbi’it laek sira ne’e, ne’e komitmentu doútor Daniel nian, no saida maka nia halo ne’e, obra ne’ebé nia halo ne’e,ami kontinua deit, ami labele troka obra ida ne’ebé nia halo, tanba ita haree iha possibilidade katak dalaruma ami osan laiha, orsamentu laiha maibé atu hanoin fila klinika ne’e ba privadu ne’e ami la hanoin to’o iha ba ne’e, tanba iha ona komitmentu katak ami tenki kontinua obra ne’ebé iha,” deklara, Inácio, ba GMN, Sabadu (09/05/2020) iha nia kna’ar fatin Bairro-Pite-Díli.
Inácio esplika defisil atu muda fali, klinika bairro-pite ba klinika privadu tanba, sira iha ona komitmentu, tan ne’e maske hasoru problema barak maibé sira kontinua esforsu hodi bele rezolve.
“Primeiru ita bo’ot sira haree iha populasaun ne’ebé moras TBC barak lo’os halo tratamentu iha klinika Bairro-Pite, HIV, kankru Ran Leukimia, sé ita taka klinika ne’e ka fila fali klinika ne’e ba privadu ne’e kusta oituan tanba populasaun barak maka sei mate, barak maka sei lakon sira nia vida ho ida ne’e, ne’e maka ami iha komitmentu ona katak atu akontese halo nusa mós klinika bairro- pite ami tenki ser-kontinua nafatin obra ne’ebé maka doútor Daniel rai hela”, esplika, Inácio dos Santos.
Tuir informasaun husi jestór klinika ne’e, klinika refere hetan ona apoiu orsamentu husi Primeiru Ministru, liu husi gabinete apoiu sosiadade sivil, ho montante kuaze dolar amerikanu rihun atus hitu.Jen
