GMN TV Saude e Educação Prevene COVID-19, Governu ezekuta USD tokon 6.7

Prevene COVID-19, Governu ezekuta USD tokon 6.7

0 views

Koordenadór ba Servisu Administrasaun no Finansas, Sentru Integradu Jestaun Krize (SIJK), Deonísio Santos, hateten, Governu konsege ezekuta ona orsamentu USD tokon 6.7 ba prevensaun surtu Corona Virus Disease 2019 (COVID-19) iha Timor-Leste.

“Depois de aprovasaun husi deputadu ba orsamentu fundu COVID-19, ita konsege ezekuta orsamentu 451 mill, hodi nune’e sé tau asesu fundu kontijénsia no fundu COVID-19 6.7 milloens, numeru ne’e sei sa’e tan ba 6.8, husi ne’e bazeia ba objetivu jerál, ho nune’e alvu ne’ebé atinji ona husi subgrupu identifika kazu COVID-19 detekta Contact Tracing ita gastu ona 100 mill e tall no iha mós gastus ba aktividade sala operasionál ni’an mak 352 mill fundu COVID-19 ezekuta ona mak 451 mill, ida ne’e mak ezekusaun ne’ebé halo ona, la inklui kontijénsia”, Koordenadór ba Servisu Administrasaun no Finansas SIJK ne’e liu husi diskusaun iha sala plenária iha Parlamentu Nasionál (PN), Kuarta (27-05-2020).

Deonísio hateten, orsamentu ne’ebé gasta bazeia ba dezeña no objetivu jerál husi subprograma ne’ebé identifika kazu COVID-19 to’o detekta.

“Antes aprovasaun fundu COVID-19 SIJK asesu ba fundu rezerva kontijénsia hodi fasilita Ministériu Saúde (MS), hodi halo preparasaun kompostu husi 6.2 milloens, hodi halo akizasaun ba ekipamentu médiku atraves de UNICEF no mós 5.7 milloens ba akizasaun ekipamentu atraves UNDP”, relata Koordenadór ba Servisu Administrasaun no Finansas SIJK ne’e.

Nia akresenta, ekipamentu husi UNICEF simu ona no PNUD/United Nations Development Programme (UNDP) mak sei mai iha fin fulan ida ne’e, sala kooperasaun sala situasaun simu fundu rezerva kontijénsia USD rihun 50, hodi fasilita operasaun iha sala situasaun.

Entretantu orsamentu fundu COVID-19 hamutuk USD tokon 250 aprovadu husi PN, iha loron 3, fulan Abril no promulga husi Prezidente Repúblika (PR), Francisco Guterres “Lú Olo”, iha loron 6, fulan Abril, hodi autoriza realizasaun tranferénsia extraordinária husi Fundu Petrolíferu. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker