Porta Voz Sentru Integradu Jestaum Krize (SIJK), Odete Viegas konfirma suspeitu 114 sei hein rezultadu teste husi total suspeitu 830 ne’ebé ema nain 692 mak ho rezultadu negativu.
Tuir dadus husi loron 10 fulan Marsu to’o loron 8 fulan Maiu ne’e numeru kazu konfirmadu COVID-19 sei mantein 24 no seidauk konsege halakon vida.
“Total numeru kumulativu teste hamutuk 830, hein resultado 114, kazu konfirmadu mantein 24, kazu foun laiha, total resultadu laboratoriu negativu 692, total kazu rekoperadu hamutuk 17 husi konfirmadu no nain 4 husi provavel no kazu sei baixa hamutuk 7, numeru mate laiha,” Odete Viegas hato’o deklarasaun ne’e liu husi konferensia imprensa iha Centro Convenções Dili, Sesta (08/05/2020).
Enkuantu total professional saude iha kuarantena hamutuk 44, ema ne’ebé sei kontinua halao prosesu kuarentena hamutuk 135 kompostu husi Kapital Dili 101, Munisipiu sira 34, ba autokarantina iha Munisipiu sira hamutuk 32.
Sidadaun sira ne’ebé passa ona prosessu kuarentena hamutuk 2080 kompostu husi Kapital Dili hamutuk 1642 no Munispiu sira hamutuk 438.
Ekipa konjunta forsa tarefa husi sentru integradu jestaun krize rekolla ona amostra 240 husi populasaun ne’ebe hatudu sintomas infesaun respiratoria aguda iha Munisipiu 12 Inklui RAEO-A.
Odete esplika Sentru Integradu Jestaun Krize foti ona medida atu Kombate propagasaun covid-19 liu husi identifika evolusaun no possibilidade ba kazu infetadu sira atu bele akontese transmisaun lokal iha komunidade nia leet.
Suspeito COVID-19 ne’e rasik inklui mos ho ema sira ne’ebé kumpri ona kuarentena no fila ona ba uma maibé kontinua kontribui hodi halo teste.
Suspeitu sira husi Dili laiha maibé Munisipiu sira hamutuk 56 kompostu husi Covalima 6, Ermera 6, Lautem 2 no Liquica 42.
Husi ekipa vigilancia sentinel ba Dililaiha maibé ba Munisipiu sira hamutuk 130 kompostu husi Bobonaro 13, Covalima 13, Ermera 10, Lautem 18, Liquica 56 no Manatuto 20, husi total amostra 186 ne’ebé resultado laboratorio hatudu negativo hamutuk 46.
suspeito covid-19 ba Ospital Nasional Guido Valadares laiha maibé ba Ospital referais sira hanesan Ospital Baucau 24, Maliana 13, Suai 17, ho total amostra 54 ne’ebé resultado laboratoriu sedauk iha.
Prosesu mitigasaun ne’e hetan apoio masimu no kordena ho presidentes autoridade municipais lider komunitariu no husi ekipa seguransa sira. Ida
