GMN TV Saude e Educação Timor-oan na’in 10 livre husi COVID-19

Timor-oan na’in 10 livre husi COVID-19

0 views

Sidadaun Timor-oan hirak ne’e, kompostu husi feto na’in 5 no mane na’in 5, ne’ebé antes ne’e pozitivu COVID-19, tuir rezultadu teste ne’ebé fó sai iha loron (26/04/2020), sira livre ona husi COVID-19.

 “Ohin sentru jestaun krize liberta tan, maluk balun ne’ebé hela iha sala izolamentu vera kruz, hamutuk na’in 10, lori SIJK no povu Timor nia naran, agradese ba Timor-oan na’in 10 ne’ebé, sai ona husi fatin izolamentu,” dehan, Porta Voz Sentru Integradu Jestaun Krize, Sergio Lobo, iha vera kruz, Sesta (01/05/2020).

Sergio Lobo hatutan, agradese ba sidadaun Timor-oan, ne’ebé sei iha hela fatin izolamentu, inklui sira ne’ebé halo hela kuarentena, ba sira nia dispozisaun no koperasaun, hodi prevene moras ne’e labele daet iha Timor-Leste.

“Ita haree esperensia husi nasaun seluk, iha ema na’in ida deit la kopera hodi tama iha izolamentu, moras ne’e daet ba ema rihun ba rihun, tamba ne’e ita apresia sakrifisiu sira ne’ebé mak sai ona, tamba sira dispostu atu hela iha fatin izolamentu, hamutuk ho pesoal saúde, hodi evita provokasaun  ba povu,” hateten, Sergio Lobo.

Nia subliña, sira na’in 10 ne’ebé sai ona husi fatin izolamentu, barak mai husi ótel katuas, sira feto na’in 5 no mane na’in 5, na’in rua husi munisipiu Baucau, ida husi Viqueque, ida husi manatutu no sleuk husi Díli.

Sergio reforsa liutan, observasaun ne’ebé mak durante ne’e MS halo, Timor-oan na’in 10 ne’e livre ona husi infesaun, sira halo teste ona dala rua no rezultadu negativu.

“Mesmu sira fila ona ba uma, maibé iha rekomendasaun, katak nafatin kontaktu ho pesoal saúde, bainhira mosu sintomas ruma, sira tenki relata lalais ba pesoal saúde hodi halo teste,”afirma, Sergio Lobo.

Eis Ministru Saúde ne’e mós, husu ba povu hotu tenki agradese ba kolaborasaun entre timor-oan na’in 10, nian ne’ebé halo tuir regras ne’ebé mak governu implementa ona, liu husi prosesu halo kuarentena no izolamentu.

Iha fatin hanesan, reprezentante Timor-oan na’in 10 ne’ebé sai husi fatin izolamentu, Feliciano de Carvalho husu ba povu Timor-Leste, atu mantein distansia sosial, fasi liman, no uza maskara bainhira lao sai, no nafatin hela iha uma, tamba virus ida ne’e espera atu kona, tamba ne’e halo prevensaun antes arepende.

“Esperensia ne’ebé ha’u hasoru durante iha halo kuarentena, iha Hotel katuas, muda ba tasi tolu, no mai fali iha izolamnetu, ha’u mai husi kediri, to’o mai Díli, loron 1 fulan marsu ba liu halo kuarentena iha Hotel katuas, buat hotu la’o ho diak, bainhira iha kolega feto ida hetan pozitivu, ami mós ejiji MS hodi muda ami ba tasi tolu,” esplika, Feliciano.

Nia mos imforma liutan, iha loron 15 fulan marsu, pesoal saúde sira bolu ha’u no kolega na’in 5, feto 2 no mane na’in 3, hodi fó hatene ami nia teste iha loron 12 ne’e posetivu, no MS foti ami lori kedas mai fatin izolmanetu.

Iha loron 22 fulan marsu, MS halo teste, no nia rezultadu negativu, no iha loron 26 fulan marsu, nia rezultadu negativu.

“Ami la haluhan hato’o agradese ba pesoal saúde sira, ne’ebé durante ne’e tau matan ba ami bainhira halo kuarentena, no iha fatin izolamentu, ami sei halo orasaun nafatin hodi akompaña pesoal saúde sira nia servisu” tenik, nia.

Feliciano esplika, ba dala uluk hetan pozitivu ba moras ne’e, laiha sintomas ruma, laiha mear, inus metin no isin manas, maibé pesoal saúde sira esplika, iha virus ituan iha kakorok.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker