GMN TV Saude e Educação Moras ispa domina iha sentru saúde Metinaro

Moras ispa domina iha sentru saúde Metinaro

0 views

Iha tempu bai loron, aumenta ho konstrusaun estrada protokolu diresaun Dili-Baucau, hamosu rai rahun makaas no rezulta númeru pesiente ho kategoria ispa iha sentru saude Metinaru Munisipiu Dili aumenta makaas. 

Xefi sentru saúde Metinaro Alexandre Martins Casamiro informa, alende moras ispa, iha mós pasiente neebe isin manas, mear, no inus metin ne’ebé ho númeru ki’ik.

“Durante Janeiru to’o Maiu 2018, ami Hetan moras ne’ebé mak ás liu mak ispa, mear, inus metin no isin manas mak domina ho nia kuantidade bo’ot. Tuir ami nia dadus foin dadauk ami halo aprezentasaun, moras ispa ne’e 1846, kompara ho 2017 ami rejista de’it kazu moras ispa 600 resin,” relata Alexandre Martins Casamiro ba GMN iha Sentru Saúde Metinaro foin lalais ne’e.

Nia haktuir, ho dadus ida ne’e hatudu katak, moras ispa mak domina liu iha sentru saúde Metinaro.

“Kauza husi moras ida ne’e, halai liu ba ita nia iklima, no ambiente ne’ebé mak ladiak mai husi ita nia komunidade sira, entaun bele provoka mós moras ida ne’e. Agora ita mós haree, konstrusaun estrada, ida ne’e sai problema bo’ot ba komunidade sira atu hetan moras ida ne’e ho númeru bo’ot,” relata Alaxandre Martins.

Nia esplika, estrada Dili Baucau konstroe, moras ispa iha sentru saúde Metinaro ne’e normal, maibé iha tinan 2018 ne’e, moras ispa ne’e sa’e ba 1846.

“Entaun ita haree katak, moras ispa ne’e nia impaktu mai husi rai rahun konstrusaun estrada ne’ebé mak la’o hela ne’e,” relata Alexandre Martins.

Kona ba fasilidades no aimoruk, Alexandre dehan, sentru saúde Metinaro ne’e, laiha problema ho fasilidades, no aimoruk mós sufisiente.

“Ami nia fasilidade iha ne’e sufisiente, la’os diak liu no la’os at liu, no ami nia medikamentus mós sufisiente atu bele fó asistensia ba ita nia komunidade sira iha Postu Administrativu Metinaro,” relata Alexandre Martins.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker