GMN TV Saude e Educação MS hakarak fo tratamentu diak ba ema ho defisiensia

MS hakarak fo tratamentu diak ba ema ho defisiensia

0 views

Diretora Jeral Prestasaun Servisu Saúde, Ministériu Saúde (MS), Odete Viegas, hatete, Ministeriu Saúde buka mekanizmu apropriadu atu bele fo tratamentu diak ba ema ho defisiensia sira.

Hanoin murak hirak ne’e realiza liu husi workshop ne’ebé parte relevante sira hala’o no mos parseiru sira ho tema, ‘Konsultasaun Nasional Programa Saúde ba Ema ho Defisiensia inklui Atestadu Médiku’.

“Ministeriu Saúde hamutuk ho Ministeriu Solidariedade Sosial no mos Embaixada Australia ne’ebé fo apoiu orsamentu, ba Workshop ne’e, ne’ebé hala’o durante loron 3, ba profisional saúde sira nivel nasional no distrital no maluk defisiente sira husi Raes Hadomi Timor Oan (RHTO), Asosiasaun Médiku Timor Leste (ADTL), atu haree liu ba atestadu médiku ne’ebé mak durante ne’e médiku sira fo,”dehan Diretora Prestasaun Servisu Saúde MS ne’e ba Jornalista sira, Kuarta (6/06/2018), iha salaun MSS, Caicoli-Dili.

Nia afrima, ba oin presiza iha formasaun ba médiku sira ne’ebé mak atu haree ba atestadu médiku, nune’e sira mos bele hetan sertifikadu. Tamba ne’e iha workshop refere hetan prezensa husi médiku espesialista sira, atu konstribui ideias, nune’e bele foti ideias ne’e.

Entretatantu Diretor Jeral Protesaun Sosial Komabatentes Libertasaun Nasional (MSS), Eugenio João Amádo de Maria Soares, realsa, programa ba workshop ne’e nuu’dar programa husi Primeiru Governu to’o iha Setimu Governu konstitusional, ho kontinuasaun programa refere haree liu ba ema ho defisiensia.

“Ema ho defisiensia sira ne’e, iha limitasaun  atu halo servisu, maibe sira mos iha direitu sira ne’ebé mak ita konsagra ona iha konstituisaun, ne’ebé hamosu ona defisiensia sira nia direitu no dever, tamba ne’e workshop ida  ne’e koopera ho Ministeriu Saúde, oinsa atu buka dalan hodi kategoria ba ema ho defisiensia sira nia direitu no asistensia ne’ebé diak,”hatete Eugenio.

Fatin hanesan Verónica Besi Tilman, nu’udar partisipante hatete, nia espera workshop ne’ebé koalia kona-ba programa  saúde  inkluzivu ba ema ho defisiensia ne’e bele hetan rezultadu pozitivu, nune’e bele responde mos ba prioridade liu liu nesesidade ema ho defisiensia nian.

“Tuir ha’u-nia hanoin, prioridade ne’ebé parte relevante atu tau atensaun mak, fasilidade saúde nian ne’ebé mak tenki  hanesan asesibel para oinsa ita-nia maluk sira ho defisiensia ne’e, ami bele asesu ba fasilidade saúde nian ho fasil, nune’e la bele fo difikuldade ba ema ho defisiensia,”subliña Verónica.Oly 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker