Ministru Saúde Rui Maria De Araujo observa rede internet ne’ebe Ministeriu Saúde uza ona ba implementa rejistu saúde eletroniku iha sentru no postu saúde inklui hospitais sira iha Timor Leste laran tomak atu fasilita mediku sira hodi fo tratamentu ba pasiente sira.
Governante nee hatete rejistu servisu saúde eletronika ne’e atu fasilita mediku sira atu halo asistensia atendementu de saúde ba komunidade ho diak no kualidade.
“Hau mai vizita ne’e atu hare rede internet ne’ebe funsiona iha sentru no postu saude inklui hospitalis sira ,tamba rejistu servisu saúde eletronika ne’e importante liu atu fasilita mediku sira hodi fo asistensia tratamentu ida ne’ebe ho kualidade ba pasiente sira”, hatete Ministru Saúde Rui Maria de Araujo, ba JNDiario foin lalais nee.
Iha fatin hanesan Diretora Ezekutivu Hospital Referal Baucau Elisabeth Leto, konsidera sistema ba rejistu servisu saúde eletronika ne’e diak tebes, tamba bele fasilita mediku sira hala’o servisu ho lalais liu.
Nia hatutan rejistu elektroniku nee mediku sira bele hatene klean liu konaba moras pasiente sira nian, antes atu halo tratamentu no fahe resep aimoruk ninia.
Rejistu servisu saúde eletronika ne’e, mediku sira hatama númeru PIN pasiente nian bele asesu historia moras pasiente sira nian.tos
