Evita fa’an sasan liu prazu fó impaktu ba saúde konsumidór sira, AIFAESA kontinua halo Inspesaun no Fiskalizasaun ba loja no merkadu iha kapitál Díli no Munisípiu.
Autoridade Inspesaun no Fiskalizasaun, Atividade Ekonómika Sanitaria e Alimentar (AIFAESA), kontinua halo inspesaun, ba loja, kioske no merkadu iha kapitál Díli no Munisípiu, hodi asegura operadór ekonomia sira fa’an sasan, liu prazu fó impaktu ba saúde konsumidór sira nian.
“Ami kontinua halo inspesaun no fiskalizasaun ba operadór ekonomia sira liu-liu iha kapital Díli inklui mós munisípiu, preokupasaun ne’ebé nai deputadu sira foti ita haree katak ida ne’e ba oin para bele asegura liu, tanba ita haree ita nia operadór ekonomia sira ita nia negósiante sira halo negósiu ita evita de’it ba sasan sira ne’ebé mak fora de liu prazu liu-liu estragadu ka espaer, ne’e ami halo inspesaun”, dehan, Diretór Operasaun AIFAESA, Gabriel da Costa ba GMN, iha nia knar fatin, Matadoru, Tersa (16/06/2020).
Relasiona ho asuntu ne’e, parte AIFAESA fó ona informasaun, ba distribuitór sira iha Timor-Leste, nune’e evita fa’an produtu liu prazu, estragadu no labele inventa folin nesesidade báziku iha situasaun atuál.
Diretór ne’e informa liutan, iha semana kotuk liu ba, AIFAESA halo inspesaun no konsege detekta loja ida, área bidau akadiruhun, ne’ebé fa’an produtu liu prazu, tanba ne’e, AIFAESA halo kedas apreensaun ba sasan hirak ne’e, inklui mós halo kedas autonotísia, no aprezenta ona kazu ne’e, ba parte jurídiku AIFAESA ni’an, hodi prosesa tuir lei.
Antes ne’e, Gabriel mós deklara ona ba públiku, bainhira negósiante sira ne’ebé, aproveita situasaun hodi inventa presu sasan, sei hetan multa dolar rihun tolu nulu no sei hetan pena tinan tolu. Ina
