GMN TV Saude e Educação ESJ seidauk simu autorizasaun MEJD atu reativa prosesu aprendizajen

ESJ seidauk simu autorizasaun MEJD atu reativa prosesu aprendizajen

0 views

Eskola Sekundária Jerál (ESJ) publiku no privadu sira, seidauk simu despaixu husi Ministériu Edukasaun Juventude no Desportu (MEJD) atu reativa prosesu aprendizajen.

Diretór  Eskola Sekundaria Jerál no privadu sira,hatete,eskola seidauk bele reativa prosesu aprendizajen, wainhira seidauk hetan despaixu husi Ministériu Edukasaun Juventude no Desportu.

 “Ami labele foti desizaun mesak-mesak sem autorizasaun ka despaixu husi Ministériu Edukasaun (ME), tamba ami tauk wanhira estudante sira hetan buat ruma ka hetan moras ruma inan aman mai semak atu responsabiliza satán ami estudante barak balun sofre hela moras is bo’ot, bibi maten mak derepente ataka sai problema bo’ot iha eskola”,dehan Diretór Eskola Sekundária Jerál 4 de Setembru UNAMET, Sérgio da Cruz ba JNDiário, Kuarta (03/06) iha nia kna’ar fatin ESJ Balide.

Maske dadaun ne’e eskola sira iha kapital Díli, balun reativa hikas, professor sira hodi prepara no kompleta valór estudante desimu segundu ano, iha ezame dahuluk no daruak nian atu bele ba ezame nasionál.

Alénde ne’e, estudante balun hakat ona ba eskola, halo limpeza no prepara fasilidade, prevensaun ba COVID-19 iha eskola, nune’e wanhira estudante sira, hahú prosesu aprendizajen bele utiliza loro-loron.

Diretur Eskola hatete nia parte seidauk brani reativa prosesu aprendizajen, tanba surtu COVID-19, ameasadu ba ema nia vida liu-liu ba estudante sira.

Nunee mos, Diretór Eskola Sekundaria Nobel da Paz, Pedro Nunes Benezes, hatete, sira nia eskola rega ona aimoruk dezinfetan, be tanki no sabaun, atu nune’e aban bainrua Ministériu Edukasaun reativa prosesu aprendizajen bele utiliza.

“Ami hetan orientasaun husi edukasaun munisípiu maka haruka ami limpeza ambiente eskola, prepara fasilidade iha eskola hanesan be’e, sabaun no sira seluk iha eskola para estudante sira tama karik bele fase liman loro-loron, hafoin hahú prosesu aprendizazen”, dehan Pedro.

Dadaun ne’e total estudante iha Eskola Sekundaria Jerál 4 de Setembru UNAMET, iha estudante 3800 resin, professor 109 no sala aprendizajen 52. Iha parte seluk, total estudante iha eskola sekundária Nobel da Paz 2800, professor 57 no mós sala aprendizajen 18.Tos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker