Ministra Saúde (MS), Odete Maria Freitas Belo, hateten, númeru kazu dengue ne’ebé relata husi vijilánsia epidomolojia iha teritóriu Timor-Leste husi fulan Janeiru to’o Juñu, tinan 2020 rejista pasiente rihun 1 resin no husi númeru refere na’in sanulu (10) mak mate.
“Surtu dengue ne’e, tanba ita fokus ba Corona Virus Disease 2019 (COVID-19) no iha moras seluk tan, ami nia pesoál saúde sira kontinua halo asaun no foguin tuir radius moras dengue, parte seluk tau abati, iha item balun ne’ebé mak falta mak ita halo servisu tuir iha, tanba kompras tenke hein tuir ba aviaun semana ida mai dala ida, abate mak laiha armajen, dadus na’in 10 mak mate no kazu 1000 e tall”, MS ne’e hafoin partisipa reuniaun interministerial iha Palaçio do Governo, Segunda (22-06-2020).
Odete subliña mós katak, Minstériu Saúde (MS) esforsu hela buka stock ai-moruk prevensaun surtu dengue hanesan abati, tanba ai-moruk ne’ebé antes ne’e iha transfere ona ba servisu saúde munisipál sira.
Alende ne’e, Ministra ne’e informa mós katak, iha posibilidade MS halo rekrutamentu, hodi hatán ba problema rekursu umanu ne’ebé seidauk sufisiente, wainhira Orsamentu Jerál Estadu (OJE) tinan 2020 bele finaliza ho di’ak.
“Iha situasaun hanesan agora dau-dauk ne’e, preparasaun ba rekrutamentu iha progresu no espera katak OJE 2020 bele hatán ba nesesidade”, dehan Odete.
Dau-daun ne’e, númeru pesoál saúde iha teritóriu Timor-Leste tomak hamutuk rihun 500 resin, maibé seidauk bele hatán ba servisu saúde, liu-liu iha área rurál sira. Ida
