GMN TV Saude e Educação Komemora loron mundial ai-han seguru, ekipa konjunta prende hahán no bebida liu prazu

Komemora loron mundial ai-han seguru, ekipa konjunta prende hahán no bebida liu prazu

0 views

Ekipa konjunta, entre Autoridade Inspesaun Fiskalisasaun Atividade Eokonómika, Sanitária no Alimentação, Ministério Saúde no Organizasaun Mundial Saúde Sabádu  (6/6/2020), halo inspesaun ba super merkadu rua iha kapital Díli. Inspesaun ne’e rasik realiza hodi komemora loron mundial ai-han seguru ne’ebé monu iha loron hitu, fulan ne’e.

Durante atividade fiskalizasaun ne’ebé ekipa konjunta, parte AIFAESA apreende produtos embalados sira hanesan hahán no bebida sira ne’ebé liu ona prazu, iha supermerkadu Dili Mart no loja António Belo iha Taibessi.

“Agora dadauk ita haree iha jeleira sira iha supermerkadu ne’e ita haree katak susuben ne’e iha labele ne’e hatete katak tuir lolos tau deit temperatura ne’e 4 graus deit, maibe iha ne’e ita haree katak 22 graus tia. Além de ne’e mos, ita mai halo inspesaun iha supermerkadu ida ne’e, ita hetan mos iregularidade ne’ebé mak mosu no ekipa inspesaun konjunta ne’e deteta dunik irregularidade sira ne’e halo kedas auto apreensaun ba sasaun sira ne’e no sei ba tau iha Edificio AIFAESA no depois maka sei halo processo auto noticia kontra supermerakdu ne’e”, afirma Diretor Departamento Operasaun AIFAESA, Gabriel da Costa.

Hatan ba kestaun ne’e, Supervisor Dili Mart, Agustinha Guterres, hateten durante ne’e sira halo pasa revista ba sasan sira nia prazo, maibe iha estado emerjensia traballador sira servisu la tama oras kompletu no halo shift.

“Dalaruma ida ne’e mak halo ami falta kuidadu husi ami, maibe ami husi kompania sei dauk hanoin atu fa’an  sasan ne’ebé prazo ba ema. Karik ami hetan ami sei hasai. Maibe ami sei dauk hetan autorisasaun husi patraun Díli mart atu fa’an sasan expire ba sosa nain sira”, deklara.

Além de halo inspesaun ba supermerkadu, ekipa konjunta mos halo pasa revista ba restaurante ida iha área Ai-mutin nian, hodi haree higiene iha restaurante refere no mos verifica linsensa negócio husi SERVE.

“Ami haree katak, restaurante ida ne’e priense kritéria, maibe ba iha hijiene pessoal maka ohin ami deteta katak iha pessoal ne’ebé maka servisu iha restaurante ida ne’e, lolos ne’e nia tenki usa ekipamentu protesaun servisu. Nia tenki ser usa ekipamento ida ne’e atu nune’e laiha kontiminasaun husi ema ba iha ai-han ne’ebé maka sira prepara ba konsumidores sira”, hateten  Justinha Pinto, Ofisial Ai-han Seguru Ministério Saúde.

Iha atividade fiskalisasaun ne’e ekipa OMS no Ministério Saúde fahe mos panfleitos konaba prevensaun husi Covid-19 ba nain ba restaurante no supermerkadu sira. Oct


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker