Ministra Edukasaun Joventude no Desportu (MEJD), Dulce de Jesus, afirma, durante ezisténsia Xanana Reading Room, ajuda ona estudante barak, tanba fasilita ona livru ba estudante hotu iha Timor laran.
“Xanana reading room, halo kontribuisaun bo’ot tebes ba dezenvolvimentu edukasaun iha Timor Leste, ne’ebé ke husi relatoriu ohin, ne’ebé ke ohin maun Gaspar hato’o katak mesmu ke sala ne’e ki’ik oan hela, maibé estudante husi universidade, ensinu baziku, no ensinu sekundariu sira uza ona livru sira iha ne’e hanesan mós referensia,” haktuir, Dulce de Jesus, ba jornalista sira, iha Sabádu (20/06/2020), iha Lecidere-Díli.
Dulce de Jesus mós agradese tebes ba fundadór Xanana Reading Room, tanba liu husi fatin refere ema hotu bele aumenta ema nia koñesimentu.
“Ami hato’o ami nia parabens, no obrigada barak ba mana Kirsty, ne’ebé maka dala ida tan kontribui, la kolen, la baruk mana sempre, ajuda ami fó nafatin motivasaun ba ami,” dehan, Ministra Edukasaun Joventude no Desportu ne’e.
Iha Sabádu loron 20 fulan ne’e, Xanana reading room mós lansa website, no mós biblioteka movel Xanana Reading Room. Jen
