Eskola Báziku Filial (EBF) 12 de Outobru Tasi Tolu, preparadu ona atu hala’o prosesu apredizajen, iha loron Segunda (22/06/2020) tamba, prense ona kriteria husi Ministériu Edukasaun no Ministériu Saúde.
“Tuir orariu ne’ebé mak iha, EBF 12 de Outobru Tasi Tolu, sei hala’o prosesu aprendizazen iha loron Segunda (22/06/2020), Ministériu Edukasaun halo ona abertura, kona-ba hahu prosesu aprendizajen, iha eskola 30 de Agostu, tamba ne’e tuir planu Segunda estudante sira hahu tama fali eskola,” dehan, Kordenadóra EBF 12 de Outubru Tasi Tolu, Filomena Casimira, iha nia kna’ar fatin, Sesta (19/06/2020).
Nia esplika, sirkular husi Ministériu Edukasaun no Ministériu Saúde, tun ba kada eskola, hodi fó hatene katak, segunda (22/06/2020), tenki hahu ona prosesu aprendizajen.
“Ami prontu ona atu hahu prosesu aprendizajen, maibé iha ne’e ami hetan ona revista husi, edukasaun nasionál no Ministériu Saúde, kona-ba kondisaun eskola ne’e, seida’uk preparadu, ho ida ne’e ami esforsu a’an prepara ona, kondisaun ho diak, atu bele prense kriteria husi MS no ME,” haktuir, Filomena.
Nia subliña liutan, total alunus iha EBF 12 de Outobru Tasi Tolu hamutuk 1667.
“Tuir orientasaun ne’ebé mak ami hetan husi, Diretór Sentru atu ami bele, tau distansia um metro entre ita nia oan sira, tamba ne’e tuir estudante sira iha ne’e, barak maibé ami fahe ona kada sala ida, prense estudante 30, hodi mantein distansia sosial,” afirma, Filomena. Cin
