Estadu Emerjénsia remata ona, Xefi Governu Taur Matan Ruak, (ohin-red), sei halo enseramentu ba servisu, Sentru Integradu Jestaun Krize (SIJK).
Komandante Operasional SIJK, Brigadeiru General João Miranda ‘Aluc’ informa, Sentru Integradu Jestaun Krize, halo hela preparasaun atu nune’e aban Xefi Governu, bele ba halo enseramentu ba servisu sala situasaun.
"Enkontru ho Primeiru Ministru ko'alia hela kona-ba preparativus ba enseramentu ba sala situasaun nian, imi hotu hatene katak, situasaun emerjénsia hotu tiha ona, ne'e duni primeiru-ministru ofisialmente ensera sala situasaun aban (ohin-red),” dehan Komandante Operasional SIJK, Brigadeiru Jeneral João Miranda ‘Aluc’, iha Palásiu Governu, Segunda (29/06/2020).
Antes ne'e, reuniaun komisaun Interministeriál, ne'ebé lidera husi Primeiru-Ministru, Taur Matan Ruak, diskuti pontu importante tolu kona-ba implementasaun medidas prevensaun no kontrolu ba pandemia Covid-19, hamutuk ho SIJK.
Alende ne’e, rezultadu husi Konsellu Ministru foin lalais ne’e, hamosu konkluzaun katak, laiha ona nesesidade hodi prolonga Estadu Emerjénsia.
Maibé, Governu aprova projetu, husi proposta lei, hodi halo alterasaun dahuluk ba Lei númeru 11/2017 loron 24, fulan Maiu, hodi taka temporáriu postu fronteira, bainhira iha surtu Covid-19, akontese iha rai laran.
Governu estabelese Sentru Integradu Jestaun Krize, tuir Diploma Ministerial, Númeru 14/2020 loron 31 fulan Marsu, no Diploma ne’e estabelese ho baze tuir lei, númeru 2/2010 loron 21 fulan abril, lei seguransa nasional, hodi kria SIJK hodi bele halo prevensaun ba surtu COVID-19.Cin
