GMN TV Saude e Educação PMI tulun ekipamentu prevensaun COVID-19 ba CVTL

PMI tulun ekipamentu prevensaun COVID-19 ba CVTL

0 views

Cruz Vermelha Indonézia ka Palang Merah Indonesia (PMI), suporta ona povu Timor-Leste (TL) ne’ebé serbisu ho Cruz Vermella Timor-Leste (CVTL), desde tinan 1970 hahú servisu hamutuk ne’ebé dura tinan barak.

Nune’e iha situasaun pandemia globál surtu COVID-19,Cruz Vermella Indonezia ka Palang Merah Indonezia (PMI), kontinua fó apoiu nafatin maske iha Indonézia rasik oras ne’e iha hela ameasa bo’ot husi surtu ne’e.

Cruz Vermelha Indonézia (PMI) halo doasaun sira ne’e maka hanesan, ekipamentus protesaun pessoal (Personal Protection Equipment) ba CVTL, atu nune’e bele distribui ba voluntariu no staff CVTL sira iha filiais ka munisipiu 13 iha Timor laran tomak.

Atu suporta serbisu sira no halo sensibilizasaun ba komunidade hotu, atu prevene no hela ho seguru durante surtu COVID-19.

“Ba ita nia Governu ba povu tomak iha ne’e, ho respeitu teb-tebes ita iha reprezentante embaixadór indonezia maka iha serbisu hamutuk ho Timor-Leste entre país 2 ne’e. Nune’e mós iha koligasaun serbisu maka’as entre PMI ho CVTL atu oinsa ita kompleta, komplementa serbisu ba COVID-19 ne’ebé maka afeita ba país tomak liu-liu iha país 2 ne’e,” Madalena Soares Hanjam, hatutan.

“Tau hamutuk, halibur rekursu hodi tulun ema ho solidaridade ne’ebé maka bo’ot teb-tebes tanba ida ne’e iha mós liafuan ne’ebé maka ami hato’o ba malu entre lider cruz vermella entre países, ne’e duni Indonézia hato’o ona nia bantuan nia ajuda ona mai uluk,”haktuir, Prezidente CVTL ne’e.

“Mesmo que iha nasaun 3 sei haforsa sira nia tuir tan mai hanesan Singapura, hanesan Macau, hanesan mós Austrália, entaun ita ho PMI Indonézia besik teb-tebes, ne’e duni sira iha ne’ebá mós iha kazu barak ita iha ne’e mós iha kazu mesmo ita liu ona maís como ita iha illa ida, illa ida ke fahe rua NTT ho Timor-Leste. Ne’e duni illa rua ne’e iha ligasaun maka’as teb -tebes ita sei tama ba atensaun iha COVID ida ne’e,” hatete, Prezidente CVTL, Madalena Soares Hanjam ba JN-Díario iha Quartel Jeral CVTL, Bairo Formoza, Kinta (04/06/2020).

Madalena aprofunda liutan,ekipamentus sira ne’e, sei fahe ba rua sasan ne’ebé maka uza ba iha voluntaria iha jerál no sasan ne’ebé maka bele uja liu maka iha medisina ou iha klinika nian, depois sei halo tuir prosesu ida ne’e sei ko’alia kolabora nafatin ho Ministériu de Saúde.

Madalena mos subliña, sei asegura iha hospital lima iha rejiaun hotu,maka atu bele kompleta ho atividade hirak ne’e hodi mós asegura nafatin polítika ministériu nian, katak ita sei tama nafatin atensaun hodi asegura COVID-19.

Ekipamentus prevensaun COVID-19 ne’e, entrega direita husi Embaixadór Indonézia ba Timor-Leste Sahat Sitorus no simu husi Prezidente CVTL Maria Madalena Hanjam iha Quartel Jeral Cruz Vermella Timor-Leste, Bairo Formoza.

Iha fatin hanesan, Embaixadór Indonézia ba Timor-Leste, Sahat Sitorus hatete, ekipamentus hodi prevene COVID-19 iha TL, entrega ona ba CVTL  hanesan mós servisu Palang Merah Indonezia (PMI).

“Cruz Vermelha Timor-Leste ibu Madalena soares hanjam, telah menyaksikan serah terima bantuan alat-alat kesehatan yang di sampaikan oleh Palang Merah Indonesia (PMI) itu sama dengan Cruz Vermella Timor-Leste,”dehan, Embaixadór Indonézia ba Timor-Leste ne’e.

Embaixadór Indonézia ne’e akresenta, tanba servisu hamutuk CVTL ho PMI dura tempu naruk ona no iha tempu ho situasaun emerjénsia sira hanesan ne’e, TL ho Indonezia sempre apoia ba malu liu husi ekipamentus ne’ebé lori Estadu Indonezia liu husi PMI nomos povu Indonezia.

Embaixador ne’e hatutan liutan, funu hasoru pandemia surtu COVID-19 Timor-Leste ho Indonezia tenke hamutuk, no ba loron ohin ne’e ekipamentus entrega ona liu husi tanjung periuk maybe tanba situasaun emerjénsia labele to’o kedas Díli.

“Situasi emerjénsi tidak langsung ke Dili maka tadi malam saya kira sudah di terima melalui PLBN, terimakasih kepada semua aparat termasuk tim COVID Timor-Leste yang memberi akses kemudahan bagi kita untuk dapat menerima bantuan yang dikirimkan hari ini,” Haktuir, Embaizadór Indonézia iha TLS Sahat Sitorus.

Ho ekipamentus hirak ne’e , CVTL sei halo serbisu di’ak no seguru alendé ne’e CVTL sei halo atividade hodi rega desinfektan iha eskola  hotu-hotu, iha teritoriu laran tomak, Universidade, inklui mos igreja sira, atu nune’e bele hamenus risku infesaun tamba surtu ne’e perigu no hamate ema barak ona.

CVTL hanesan ho sosiedade nasional seluk, CVTL halao kna’ar tuir prinsípiu fundementais hitu maka hanesan: Umanidade, Imparsialidade, Independente, Neutralidade, Unidade, Universalidade  no servisu voluntariu.

CVTL hanesan, organizasaun ida ne’ebé maka Independente, maske nune’e CVTL serbisu nudar Auxiliariu ba Governu Timor-Leste.

Ekipamentus ne’ebé maka CVTL simu husi PMI  maka hanesan: Maskára 500 aventais ba protesaun 500, Oklu 500, maskara ba taka oin 500,  desinfektan 10.000, pulverizador 10,  termometer 10  ho totál husi ekipamentus hirak ne’e hamutuk tonelada 4.Luc


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker