Atu prevene Corona Virus Disease 2019 (COVID-19) tama Timor-Leste, Xefe Estadu Maior Jeneral F-FDTL, Maijor Jeneral Jeneral Lere Anan Timur, husu ba sidadaun hotu, atu evita tama Timor-Leste ho liu husi dalan ilegál.
Atu prevene surtu covid-19 da’et mai timor-leste, maijor jeneral falentil forsa desfeza timor-leste, maijor jeneral lere anan timur, husu ba populasaun hotu atu labele tama mai timor-leste liu husi dalan ilegal.
Tanba ne’e, Lere apela ba sidadaun hotu, atu kopera ho serbisu seguransa ni’an, liu-liu PNTL no F-FDTL, nune’e bainhira hetan ema oin foun ruma, tama Timor-Leste atu informa lalais, hodi sira bele kumpri regra, ne’ebé mak fó sai ona, husi ministériu saúde no organizasaun mundiál saúde.
“Ha’u apela ba ita nia komunidade sira liu-liu sira ne’ebé iha fronteira koopera ho forsa defeza ne’e tanba moras mai ne’e la’os mai da’et de’it ema ida, primeiru mai da’et ba família i depois família da’et ba ema seluk, ita haree ba nasaun bo’ot sira ema mate rihun ba rihun, ne’e mak ha’u husu ba populasaun atu kopera ho polísia no F-FDTL kuandu ema oin foun tama, ba informa ba kuarentena atu prevene moras ne’e labele hada’et”, dehan, Maijor Jeneral F-FDTL, Maijor Jeneral Lere Anan Timur, iha Palásiu Prezidensial, Nicolau Lobato, Bairro-Pite, Kuarta (10/06).
Alende ne’e, Lere informa mós informa, serbisu no situasaun F-FDTL ni’an ba Xefe Estadu, Francisco Guterres Lú Olo, no situasaun iha nível nasional, la’o di’ak no atividade FALINTIL - Forsa Defeza ne’ebé destakadu iha kada postu la’o ho di’ak.Ina
