GMN TV Saude e Educação F-FDTL REHABILITA EBF LAU-HATA HO US $ 31,857,40

F-FDTL REHABILITA EBF LAU-HATA HO US $ 31,857,40

0 views

FALINTIL Forsa Defeza Timor-Leste (F-FDTL) gasta orsamentu Estadu ho montante U$ 31,857,40, hodi halo rehabilitasaun   ba Eskola   Báziku Filial (EBF) 1, 2  ho Lauhata,  tanba kondisaun malahuk ona. Tanba  ne´e Tersa (03/07/18)  EBF  1,2  Lauhata hetan inaugurasaun husi Xefe  Estadu Maior F-FDTL Brigadeiru  Jeneral (BrigJen) Falur Rate Laek. 

Montante  orsamentu refere  utiliza  hodi halo rehabilitasaun ba eskola sala hamutuk hitu. Alende ne´e orsamentu ne´e hodi  sosa material konstrusaun hanesan besi, kalen, ajulezu, fiu eletrisidade, sementi no vidru janela uma nian.

Eskola EBF  1, 2 lokaliza  iha  Suku Lauhata Postu Administrativu Barazartete, Munisípiu Liquiça, ne´ebé mak hetan rehabilitasaun ne’e husi Komponente Apoiu Servisu F-FDTL durante tinan ida, hahú iha fulan Juñu 2017 no termina  fulan Juñu  tinan ne´e.

Koordenador  Eskola Báziku Filial 1,2 Lau-Hata  Tomásia  Soares, total alunus  ne´ebé mak eskola iha eskola refere  hamutuk 324, no alunu sira mós kontente tebes ho eskola foun ne´e.

Tanba ne´e Koordenador Eskola refere agradese  polítika Ministériu Defeza, liu-liu Komponente  Apoiu Servisu hamutuk  ho Ministériu Edukasaun  hodi fó apoiu ba rehabilitasaun ba eskola refere no bele responde ona nesesidade  iha prosesu aprendisazen  ne´ebé mak durante  ne´e difikulta  alunus sira.

``Eskola  ida  ne´e nia sala de aula  iha hitu  ne´ebé nia rehabilitasaun durante tinan ida. Tuir ami  nia observasaun Komandante ho ninia membru sira servisu ho  fuan laran tomak ba ami nia eskola ida ne´e,``esplika  Koordenador Eskola Báziku Filial 1,2 Lau-Hata  Tomásia  Soares, liu husi diskursu  iha seremonia inagurasaun ba eskola EBF 1,2 Lau-Hata Liquiça.

Nia  hatutan,   iha tinan 1999, eskola refere  iha sala de aula iha lima de´it no Timor-Leste hetan independensia Ajensia Internasional Strong Foundations kontrui tan sala rua, maibe dezastre natural eskola  ne´e a´at no monu.

``Nune´e  ho tulun husi forsa defeza liu-liu Komponente Apoiu Servisu hadia hikas ami-nia eskola sai diak no  furak tan, ami  senti kontente no hodi nune´e ami simu no uza eskola ne´e sei ho responssabilidade,``dehan Tomásia  Soares.

Tuir nia, iha eskola ne’e profesor nain 12, maibe ativu nain 10, tanba  profesor nain tolu tama  iha faze reforma, no total alunus 342.

`´Durante  ne´e ita boot sira mai halo servisu  iha fatin ida ne´e karik iha liafuan no hahalok ruma mak ami halo ba ita boot sira la diak karik nudar  ita ema hakarak husu diskulpa,``dehan Tomásia Soares.

Entretantu durante konstruksaun ba eskola refere, alunus Lau-Hata muda provizoriu tinan ida ba eskola fali iha eskola numeru 6  Alor Mau-Meta Liquiça.

Iha  parte seluk Xefe  Estadu Maior FALINTIL Forsa Defeza Timor-Leste (F-FDTL) Brigadeiru  Jeneral (BrigJen), Falur Rate Laek, hateten, tuir lolos rehabilitasaun ba eskola refere termina tiha ona, maibe  rehabilitasaun  ba eskola refere tarde tanba desizaun politika hodi  apoiu material tarde konstruksaun.

Nia hatutan, konstrusaun eskola  ne´e hola parte ba rehabilitasaun eskola haleu teritoriu Timor laran tomak. Primeira vez Governu finansia projetu ida   ne´e.

Falur Rate Laek husu ba estudante no profesor hotu atu kuida eskola ne´e no labele marka moru ninia lolon halo buradu.

``Hoto-hotu ténki iha konsensu ida katak, ténki fó importansia ba edukasaun labarik sira. Ne´ebé profesor sira determinante iha ne´e eduka alunu sira para disiplina no kooperasaun husi inan aman sira,``dehan  Falur Rate Laek.

Hola parte iha seremonia inagurasaun ne´e mak komunidade inan aman husi alunu sira.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker