GMN TV Saude e Educação GOVERNU SEI UNIFORME KURÍKULU ESKOLAR ENSINU SUPERIOR

GOVERNU SEI UNIFORME KURÍKULU ESKOLAR ENSINU SUPERIOR

0 views

Ministru Ensinu Superior Ciência no Kultura Longuinhos dos Santos hateten, VIII Governu liuhusi Ministériu Edukasaun sei uniforme kuríkulu eskolar universidade privadu no públiku ne’ebé oras ne’e dadaun sei la’o keta-ketak hodi bele garante kualidade instituisaun ensinu superior sira nian.

Ministru Ensinu Superior Ciência no Kultura Longuinhos dos Santos hato’o asuntu ne’e, hafoin partisipa semináriu ne’ebé organiza husi ensinu superior iha Ministériu Edukasaun Vila Verde Dili, Kinta (5/7).

“Iha ida fali mós katak, atu haree kualidade tenki harii kuríkulu ida ne’ebé ho padraun mínimu, katak uniforme entre universidade hotu-hotu, tantu públiku no universidade privada, buat 2 ne’e tenki uniforme, haree husi kuríkulu. Tanba agora dadaun ne’ebé mak la’o, universidade privada la’o ho ninia padraun kuríkulu ne’ebé mak ketak no UNTL mós ketak, entaun VIII governu mosu para bele uniforme padraun kuríkulu ida ne’e,” hateten Ministru Ensinu Superior Ciência no Kultura Longuinhos dos Santos ba jornalista sira.

Nia haktuir Ministériu Edukasaun mós sei harii Ajénsia Nasional ba Avaliasaun Akadémika (ANAA) atu bele haree kada programa instituisaun ensinu superior sira nian no identifika mós sira nia kualidade.

“Atu hasa’e kualidade ensinu superior haree liu ba iha oinsa mak universidade hotu atu bele haree konaba avaliasaun ba programa no institusional ne’ebé mak agora iha Ministériu Edukasaun rasik sei iha buatida ANAA, Ajensia Nasional para Avaliasaun Akademika atu avalia no haree kualidade ka la’e. ANAA ne’e rasik iha papél 2 halo avaliasaun konaba programa no institusional, liuhusi ne’e mak bele haree nia kualidade”, Nia hatutan.

Iha fatin hanesan, Koordenador Programa ba Akreditasaun Diploma Nasional no Estranjeiru, Vasco Viana hateten, governu iha obrigasaun mak garante kualidade instituisaun ensinu superior sira liuhusi avaliasaun. Maibé presiza mós hetan apoiu husi instituisaun ensinu superior sira atu bele oferese kualidade ba estudante sira.

“Ita laiha razaun atu dehan universidade sira iha kualidade ga la’e, só merkadu mak bele fó resposta, universidade privadu ou públiku ne’e ema ida la garante ami nia kualidade liu. Tanba misaun instituisaun superior nian mak hanorin estudante sira matenek iha ciência, habilidade no koñesimentu hotu fa’an ba merkadu. Merkadu mak determina ne’e kualdiade ga la’e, kualidade ka la’e ne’e depende ba persentajen absorvisaun iha merkadu servisu, ho nia vizaun atu oferese kursu ho kualidade i depois merkadu mak determina. Governu iha obrigasaun mak garante kualidade ho apoiu instituisaun ensinu superior sira nian atu bele oferese kualidade ba estudante sira .Primeiru depende ba instituisaun superior ida-idak katak nia tenki oferese kualidade, depois governu apoiu ho nia programa no tenki submete ba regulamentu governu nian,”hateten Koordenador Programa ba Akreditasaun Diploma Nasional no Estranjeiru, Vasco Viana.ías


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker