GMN TV Saude e Educação Dook husi Fasilidade Saúde, inan isin-rua rizku ba mortalidade

Dook husi Fasilidade Saúde, inan isin-rua rizku ba mortalidade

0 views

Vise Ministru Saúde Dezenvolvimentu Estratéjiku Saúde, Bonifacio Maukoli dos Reis, hateten, inan isin-rua ne’ebé la hakbesik-an ba Fasilidade Saúde, sei hamosu rizku ba mortalidade, tanba dezenvolvimentu bebe iha inan nia isin no inan nia saúde la hetan kontrolu ho di’ak husi pesoál saúde sira.

“Taxa mortalidade kontinua aas iha Timor-Leste, iha tinan 2016, iha peskiza husi Demography Health Survey (DHS), iha 195/1000 mill, ne’ebé taxa mate signifika loro-loron sei akontese inan mate, tanba partus 40% iha labarik tinan 5 mai kraik mortalidade sei aas, liu-liu iha Sudeste Aziátiku, kauza ba inan isin-rua mate, tanba la prevene no presiza halo kontrolu atu hetan atendimentu husi parteira sira, hodi detekta iha implikasaun ruma molok partu, sira ne’ebé iha área rurál sira la ba fasilidade saúde, nune’e sira la fó atensaun, nune’e kontribui ba mate”, Governante ne’e hafoin partisipa Workshop Nasionál iha otel Novo Turismo, Díli, Sesta (10-07-2020).

Bonifacio konsidera inan isin-rua sira partu iha uma ne’e la ho kritéria ne’ebé saudavel, tanba partu moos no seguru presiza iha fasilidade saúde, i presiza halo intervensaun.

Kauza seluk mós, tanba sira-nia idade seidauk to’o atu isin-rua, hanesan maioria feto ne’ebé ho idade menus husi 20, konsidera seidauk iha saúde reprodutivu ne’ebé di’ak no idade liu ona 35 mós sei rizku atu hetan moras seluk wainhira isin-rua.

Reprezentante UNICEF, Scott Walery, subliña mós katak, maske projetu realiza ona iha tinan 2003 hodi halo redusaun ba númeru mate, maibé Timor-Leste sei iha taxa balun mak aas iha rejiaun ne’e, tanba ne’e melloramentu saúde mak foku save ba UNICEF iha Timor-Leste.

“Ita hotu deside ba hadia inan no oan sira nia saúde, ita presiza hadia rapidamente kualidade atu halo redusaun mortalidade, importante mak ita identifika no halo notifikasaun ba revizaun”, hakotu nia.

Husi dadus ne’ebé aprezenta husi workshop refere, númeru inan isin-rua ne’ebé mate, tanba partu iha tinan 2018 hamutuk 39 no númeru refere mai husi Hospital Nacional Guido Valadares (HNGV), ospitál referál no dadus teritoriál. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker