GMN TV Saude e Educação ESJ 5 de Maio semana oin hahú prosesu aprendizajen

ESJ 5 de Maio semana oin hahú prosesu aprendizajen

0 views

Diretór Eskola Sekundáriu Jerál (ESJ) 5 de Maio Becora-Díli, Manuel Verdial, informa, eskola refere hahú semana oin loron 6 fulan ne’e reativa hikas prosesu aprendizajen ne’ebé durante fulan tolu nia laran paradu total.

Dau-daun ne’e, eskola ESJ 5 de Maio prepara fasilidade inklui oinsa atu koloka estudante sira ho distansia tuir rekezitu hosi Ministériu Saúde (MS).

“Ami nia eskola preparadu ona atu reativa iha segunda semana oin, tanba ami priense ona kritéria hanesan, bainhira atu hahú aula sei desinfektan, prepara bee torneira iha kada sala oin ba estudante sira atu fase liman no sei koloka estudante sira tuir distansia”, esplika Manuel Verdial, ba JN-Diário, Kinta (02/07/2020) iha Bekora, Díli.

Nune’e mós, eskola refere fahe ona orariu ba prosesu aprendizajen ba estudante primeiru anu to’o terseiru anu hamutuk 2035, eskola refere iha sala de aula 13, ho profesór 52, kompostu profesór kontratadu 14 no permanente 38.

“Ami fahe orariu ba estudante hosi primeiru anu to’o terseiru anu, entaun estudante  terseiru anu sei tama eskola semana ida no deskansa semana ida, nune’e mós estudante primeiru no segundu anu, atu nune’e bele koloka estudante sira iha kada sala ho total estudante 30 tanba hare sala eskola ne’ebé menus”, Manuel Verdial hakle'an.

Kona-ba ezame hosi eskola preparadu ona atu fó ezame ba estudante sira, maibé  prioridade ne’e mak estudante terseiru anu, tanba sira atu hasoru ezame nasionál.

Hosi sorin seluk, Ministru Edukasaun Joventude no Desportu (MEJD), Armindo Maia, hatete eskola ne’ebé priense ona rekezitus bele reativa hikas prosesu aprendizajen, maibé ba eskola ne’ebé seidauk priense rekezitus Ministériu esforsu hodi rezolve sira nia problema nune’e eskola hotu iha teritóriu Timor bele la’o normal.

“Bainhira fulan Jullu remata no tama ba fulan Agustu, eskola hotu bele reativa ona, tanba agora sei iha problema hanesan, eskola balun bee laiha, entaun Ministériu buka hela mekanizmu oinsa eskola sira bele priense hotu rekezitus”,temik Armindo maia.

Governante ne’e haktuir, Ministériu sei esforsu antes fulan Jullu remata eskola hotu bele reativa ona prosesu aprendizajen, maibé sei la konsege 100 porsentu, pelu menus bele reativa uluk eskola 57 porsentu no Ministériu bele garante ida ne’e, tanba tuir relatoriu ne’ebé iha eskola Sekundariu porsentu 50 mak priense kriteria atu bele hala’o atividades eskola nian.

Durante fulan 3 laiha aula ba estudante sira tanba kumpri hela Estadu emerjénsia, nune’e atividade aprendizajen paradu iha fulan Abril, Maiu no Juñu relasiona pandemia ho COVID-19 ne’ebé afeta ba mundu tomak inklui Timor Leste.Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker