GMN TV Saude e Educação Eskola 500 preparadu reativa prosesu aprendizajen

Eskola 500 preparadu reativa prosesu aprendizajen

0 views

Ministru Edukasaun Joventude Desportu (MEJD), Armindo Maia, hateten, tuir planu eskola 500 resin, sei reativa prosesu aprendizajen iha fulan Jullu, tinan ne’e, tanba priense ona rekezitu husi Ministeriu Saúde (MS) ni'an.

“Eskola atus lima resin ne’ebé preparadu ona atu loke, balun loke ona, balun seidauk, hanesan horiseik ha’u hatete iha ne’ebé entre 20,25% preparadu ona atu loke, ita hein katak fulan Jullu remata, pelumenus 50% prontu atu loke ona, depois sira seluk prontu neneik la’o ba, mas ha’u hanoin fulan Setembru hanesan ne’e ita bele loke hotu ona, ida ne’ebé mak problema oituan maka sira ne’ebé bee laiha, maibé prontu servisu hamutuk ho komunidade, organizasaun no mós ajensia internasionais karik ita bele ultrapasa problema ne’e,” hatete, Ministru Armindo Maia, ba Jornalista sira, Kuarta(8/07/2020),iha Palásiu Governu.

Ministru Edukasaun ne’e mós esplika, eskola hirak ne’ebé to’o agora seida’uk reativa ne’e, la’os katak ministériu edukasaun halo diskriminasaun, maibe fó tempu ba sira hodi halo preparasaun diak liu tan.

“Ita la’os halo diskriminasaun ida, maibe ita haree ba sira nia preparasaun to’o iha ne’ebé, ne’e la’os diskriminasaun, ita lakohi atu loke arbiru deit, depois sai fali problema, ita lakohi, ita tenki loke maibe ho responsabilidade, ha’u hanoin buat ida exame ne’e, prontu ne’e sé haree mós ba preparasaun atu loke, eskola sira ne’ebé prontu ona exame entaun halo exame ona ba, sira ne’ebé karik seida’uk prontu nei-neik la’o ba,” dehan, Armindo Maia.

Tuir dadus husi Saúde Munisípiu Díli, total eskola ne’ebé priense ona kriteria hodi reativa prosesu aprendizajen hamutuk 25.

Rekezitu husi Ministériu Saúde, ne’ebé aplika ba eskola sira atu reativa prosesu aprendizajen mak, presiza iha fasilidade saúde ijiene, uza maskara, mantein distansia sosiál, inklui bee no sanitariu ne’ebé diak. Jen


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker