Atu garante ijiene ba ai-han, Autoridade Inspesaun no Fiskalizasaun Atividade Ekonómika Sanitaria no Alimentar (AIFAESA) kontinua halo inspesaun ba restaurante hirak ne’ebé eziste iha kapitál Díli.
AIFAESA liu husi diresaun operasaun, kontinua halo inspesaun ba restaurante sira, iha kapital Díli hodi kontrola ijiene, durante atividade ekonómiku ne’ebé mak la’o iha kapitál Díli.
Diretór Operasaun, Gabriel da Costa, informa, durante iha atividade inspesaun ne’e, fatin hitu mak sai tarjetu ba inspesaun.
“Ita halo inspesaun rutina liu-liu parte departamentu de operasoens halo inspesaun ba estabelesimentu 7, durante inspesaun ita la hetan komete infrasaun ruma liu-liu kona-ba atividade ekonomiku sira, durante fulan Jullu nia laran ami identifika infrasoens liu prazu ne’e iha, ne’e mak dada’uk ne’e inspestor sira halo ona prosesu kala iha 3 estabelesimentu mak komete infrasoens liu-liu produtu prazu ami agora halo prosesu hela autonotísia kontra sei submete ba parte jurídiku, jurídiku sei notifika sira para sira mai hato’o tanba sá fa’an produtu liu prazu”, deklara, Diretór Operasaun AIFAESA, Gabriel da Costa, ba GMN, iha Farol, Segunda (13/07/2020).
Kona-ba atividade ekonómiku, laiha lisensa no lisensa mate, AIFAESA fó ona karta konvokatóriu, ba negósiante sira, atu nune’e sira bele aprezenta sira nia dokumentu.
Durante fulan Jullu, AIFAESA iha planu atu halo inspesaun mós ba iha munisípiu 12 inklui RAEOA, maibé difisíl ba sira, tanba dadaun ne’e Estadu la’o hela ho orsamentu duodésimu, tanba ne’e fó implikasaun ba servisu AIFAESA. Ina
