GMN TV Saude e Educação KHUNTO: MEJD presiza tetu molok foti impréstimu USD millaun15 husi Banku Mundial

KHUNTO: MEJD presiza tetu molok foti impréstimu USD millaun15 husi Banku Mundial

0 views

Deputadu bankada Khunto, Antonio Verdial, husu Ministériu Edukasaun Joventude no Desportu (MEJD), presiza tetu di-di'ak molok foti impréstimu konsensionária husi Banku Mundial ho montante USD milliaun 15, ba implementasaun projetu BEST ka forte ba fortalesimentu no transformasaun edukasaun  báziku.

“Projetu BEST sei hamosu injustisa ba estudante no eskola sira, tanba ne’e MEJD presiza tetu di-di'ak no banati ba Konstituisaun artigu 59 katak, Estadu mak garante edukasaun gratuita no obrigatoriu, tanba la-lais ka kleur Timor-Leste tama ona ba privatizasaun edukasaun”, dehan deputadu, Antonio Verdial, iha nia intervensaun plenária, Segunda (20/07/2020), iha Parlamentu Nasionál (PN).

Deputadu Khunto ne’e hatutan, tuir aánliza hanesan deputadu hamosu kontestasaun ba MEJD, ne’ebé atu halo projeitu BEST hodi foti osan impréstimu konsensionária hosi Banku Mundial ho montante USD milliaun 15 no hosi GPE USD milliaun 8.5 no total hamutuk USD milliaun 23.5, ne’ebé nia objetivu atu hadia ambiente ensinu aprendizajen no aumenta efisiensia edukasaun bázika ho biban tinan 5 nia laran.

“Ida ne’e sei halakon subsidiu Estadu nian ba iha edukasaun no inan-aman sira tenke tau orsamentu lubun  atu bele haruka sira nia oan ba eskola, situasaun hanesan ne’e  mak mandatu Konstitusiona artigu 59, la hetan ona fatin atu aplika no sei hamosu lakuna bo’ot entre ema riku no kiak, ikus mai Maubere no Buibere sira sei la hetan asesu ba edukasaun ida ho kualidade”, afirma deputadu ne’e.

Antonio subliña, MEJD laiha posibilidade atu garante susesu hodi lori edukasaun báziku Timor-Leste husi ahi-kudesan ba embairumentu sékulu 21, tanba maioria husi eskola 1.260, kompostu hosi EBS 202 no EBF 1.58 iha Timor-Leste, laiha kondisaun infraestrutura atu apoiu inisiativa projetu no sei hamosu diskriminisaun entre estudante no eskola.

“Hanesan ita hatene Timor-Leste mós iha eskola KAFE, ne’ebé estabelese hodi sai hanesan referensia ba eskola sira inklui ensinu báziku, nune’e laiha nesesidade atu halo inisiativa hanesan ba objetivu ida deit”, haktuir nia.

Tanba ne’e PN rekomenda ba MEJD ho opsaun diak liu, mak halo investimentu diak ba edukasaun Timor-Leste hanesan, MEJD nafatin ezekuta planu estratéjiku nasionál edukasaun iha tinan 2011-2030 tanba projeitu BEST fó tendensia ba privatizasaun edukasaun, nune’e sei hamosu injustisa ba povu nia oan sira, serve ba interese grupu elite komersiais ka interese politiku sira.

“Ami hanoin katak, laiha valor atu fó konsesaun ba Timor-Leste wainhira  fundu ne’e ikus mai fila-fali ba nain Estadu doadores ho tipu pagamentu dividas no la fornese mudansa ba politika no desizaun”, tenik nia. Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker