Jestór Klínika Bairo Pité, Inácio dos Santos, hatete, durante Fulan Juñu, tinan ne’e, klinika refere detekta tan pasiente na'in hitu (7) sofre mal nutrisaun.
“Mal nutrisaun nian husi janeiru deskobre 90 resin, no 20 resin mak diak ona no la presiza monitorizasaun, iha fulan Juñu, tinan ne’e, detekta tan na'in 7 ou nain 8 ne’ebé pozitivu ba mal nutrisaun hodi halo tratamentu, agora ativu ba follow up mais ou menus 90 resin”, Inácio dos Santos ba GMN iha nia kna’ar fatin, Segunda (06-07-2020).
Jestór ne'e esplika numeru pasiente ba mal nutrisaun ne’ebé halo tratamento Klinika refere iha fulan 6 nia laran hamutuk 90 resin ne’ebé maioria ho hodi idade labarik.
Nia mos relata dadaun ne’e pasiente ba HIV-SIDA ne’ebé halo tratamentu maioria sira ne’ebé kaben nain nune’e sei fo rizku makaas ba inan isin rua hodi transmite moras refere ba oan wainhira la tuir tratamentu intensivu.
“HIV-SIDA kobre 50% husi kazu ativu tratamentu nasional, pasiente balun mak lost contact maibé tenta buka tuir, iha Juñu ne’e deteta ida tan mak positivu ba HIV-SIDA,” dehan Inácio.
Jestór klinika Bairo Pite ne'e husu mos ba pasiente hirak ne’ebé ativu hela atu hakbesik aan ba klinika hodi tuir tratamentu tanbá dadauk ne’e aimoruk ba tratamentu deisponivel hela, oferese husi Ministeriu Saude inklui sosa direita husi Fundus Global.
Relatoriu husi Ministeriu Saude iha tinan 2019 numeru pasiente HIV-SIDA ba teritoriu tomak hamutuk rihun ida resin no husi numeru refere nain 100 resin mak mate. Ida
