GMN TV Saude e Educação PR Lú Olo konsidera Timor-Leste iha risku ba COVID-19

PR Lú Olo konsidera Timor-Leste iha risku ba COVID-19

0 views

Prezidente Repúblika (PR), Francisco Guterres Lú Olo, konsidera Timor-Leste (TL), sei iha hela risku nia laran, tanba Corona Virus Disease 2019 (COVID-19) la’o maka’as los iha mundu.

“Timor-Leste (TL0 sei iha hela risku laran enkuantu moras COVID-19 la’o hela iha mundu. Ha’u aproveita festa Idul Adha ni'an husu ba fiar-na'in musulmanu sira atu ajuda autoridade TL eduka alin sira haktuir nafatin rekomendasaun husi Ministeriu Saúde Timor-Leste, fase liman bei-beik, uza máskara, no halo distansiamentu fíziku”, mensajen Xefe Estadu nia'n ne'e hato’o husi Reprezentante Prezidensia Repúblika, Domingos Amaral, iha mesquita Anur, Kampung Alor, Sesta (31/07/2020).

Xefi Estadu afirma, iha pais viziñu Indonézia Governu husu fiar-na'in sira, atu haktuir medida ne’ebé Governu foti ona atu hasees ka kontrola COVID-19.

“Iha ita-nia país Viziñu Indonézia, autoridade no grupu musulmanu sira husu fiar-na'in sira atu haktuir medida ne’ebé Governu foti atu hasees ka kontrola moras Covid-19, iha area sira ne’ebé risku aas tebes, atu hetan moras Covid-19 hamutuk 33, proibidu halo seremonia relijiozu iha mesquita sira, ba area sira seluk, autoridade sira husu ba hotu-hotu atu haktuir protokolu saude ni'an, iha rai Indonezia mate ona ema besik rihun, tanba Covid-19”, afirma Xefe Estadu.

Prezidente Repúblika, mós rekoñese katak ho COVID-19, halo komunidade Musulmanu sira la selebra seremonia signifikativu ida ne’e, labele hala’o ho di'ak iha tinan ida ne’e, tuir maluk musulmanu sira nia hanoin no hakarak.

Antes ne’e, Prezidente Repúblika (PR), Francisco Guterres Lú Olo  veta  ona dekretu  lei  Rejime Jurídiku ba Vijilánsia  Epidemiolójika  no Vijilánsia Sanitária, tanba kontra konstituisaun RDTL.

Ho veta ne’ebé PR Lú Olo halo ba dekretu lei ne’e, hetan lamentasaun husi Ministra Saúde, Odete Freitas  Belo, tanba hakfodak ema tama arbiru husi fronteira mai Timor-Leste, hafoin Estadu Emerjénsia remata. Maibe nia dehan, Ministériu Saúde sei buka meius oinsa atu sensibiliza populasaun oinsa hadook-an husi pandemia global COVID-19 ne’e. Cin


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker