Diretór Nasionál Asaun Sosiál Eskolar (DNASE), Joaquim Martins, hatete atu reativa Programa Merenda Eskolar (PME) iha eskola ensinu báziku no pre-primariu, Diretór eskola sira tenke halo proposta ba Ministériu Edukasaun (ME) iha kada Munisípiu.
“Kona-ba implementasaun programa merenda eskolar, kontinua ho orsamentu duodésimu, ida ne’e Diretór sira tenke halo proposta ba Edukasaun iha Munisípiu, atu bele reativa fali merenda no tenke halo relatóriu mensal”, dehan DNASE, Joaquim Martins, ba Jornalista sira Segunda (06/07/2020) iha Vila-Verde Díli.
Nia dehan, implementasaun merenda eskolar ba iha eskola ensinu báziku no pre-primariu iha tinan 2020, la’o la másimu, tanba implementa ho orsamentu duodésimu.
“Hahú hosi fulan Janeiru mai PME implementa deit iha Munisípiu Aileu, maibé ho loron efitivu 8 deit, no tuir mai mak iha Munisipiu sira seluk hala’o iha fulan Fevereiru, tanba haré orsamentu duodésimu”,afirma Joaquim.
Nia subliña, iha primeiru periodu implementasaun merenda eskolar la’o fulan tolu de’it, depois de mosu surto covid-19 iha loron 23 fulan Marsu hodi halo eskola hotu tenke para provizóriu, nune’e programa merenda labele kontinua.
“Kona-ba orsamentu ba PME iha tinan 2017 depois de orsamentu ba programa merenda eskolar nia konsentra hotu ba Munisípiu ida-idak, entaun DNASE só prepara loron efetivus ba PME no kontinua halo monotorizasaun no avaliasaun ba servisu ne’ebé iha hodi hare progresu ba PME n’e lao ho diak tuir loron efetivus sira”,espilika niania haktuir, menu ba merenda escolar sei kontinua ho menu ne’ebé iha ona, maibé ba oin Ministériu sei halo revizaun ba manual merenda eskolar, ne’ebé sei implementa iha tinan 2021. Fel
