GMN TV Saude e Educação Semana oin, ESG 4 de Setembro reativa prosesu aprendizajen

Semana oin, ESG 4 de Setembro reativa prosesu aprendizajen

0 views

Eskola Sekundaria Geral (ESG) 4 de Setembro, semana oin reativa ona prosesu aprendizajen, tanba priense ona rekezitu balun husi Ministériu Saúde (MS).

Eskola Sekundaria Geral 4 de Setembru foin atu reativa iha Segunda (06/07) semana oin, maibe eskola privadu Sekundaria Nobel da Paz, hahú reativa hikas prosesu aprendijazen hafoin Estadu Emerjénsia remata.

“Ami nia Eskola Sekundaria Geral 4 de Setembru priense ona kriteriu husi Ministériu Saúde, maibé ami nia termu scaner mak sei laiha, maibé ami tenta buka atu hola no ami koordena ona ho Ministériu Edukasaun atu buka hodi distribui ba eskola, maibé ami mós buka meius atu hola ida, maibé kriteriu sira seluk ami priense ona, nune’e iha segunda bele reativa ona prosesu aprendizazen”, dehan Diretór Eskola Sekundaria Geral 4 de Setembro, Sergio da Cruz, ba JNDiário, Kinta (02/07/2020), iha Balide-Díli.

Diretór Eskola Sekundaria Geral 4 de Setembru hateten, sira nia eskola hetan ona inspeksaun husi parte MEJD ho MS katak, eskola refere priense ona atu reativa hikas prosesu aprendijazen iha Segunda (06/07/2020).

ESG 4 de Setembru iha hela faze preparasaun hodi monta fasilidade sanitariu nian iha eskola atu nunee fasilita estudante sira.

”Ami nia eskola dadaun ne’e iha faze preparasaun, hau orienta estudante sira hala’o limpeza, hamoos sala prosesu aprendijazen no tanki be atu estudante sira tama fase liman uluk mak foin bele tama bas ala laran”, dehan Diretór ESG 4 de Setembru.

Iha parte seluk ,Eskola privadu Sekundaria Nobel da Paz, hahú reativa hikas prosesu aprendijazen hafoin Estadu Emerjénsia remata, tamba sira kumpri hotu ona regras husi Ministeriu Saúde.

No dadaun ne’e profesor sira mós elabora hela materia ba estudante sira atu estuda hodi prepara ba ezame primeira trimestre no segundu nian.

Rekezitu hirak ne’ebé mak Ministériu Saúde aplika ba eskola sira  tenki kumpri  bainhira reativa prosesu aprendizajen, presiza iha fasilidade saúde ijiene nian hodi evita transmisaun covid-19  hanesan, uza máskara, distansia sosial, termu scaner, inklui bee no sanitariu.

Nunee mos, Diretór Eskola Nobel da Paz, Pedro Nunes, hatete, dadaun ne’e profesor sira mós elabora hela materia ba estudante sira atu estuda hodi prepara ba ezame primeira trimestre no segundu nian.

Dadaun ne’e total estudante ESG 4 de Setembru iha ema nain 3896, husi númeru ne’e sei fahe ba kada sala 35, hodi kumpri distansia sosiál.

No mós estudante Eskola Nobel da Paz ho total estudante 1500 resin, husi numeru estudante ne’e sei fahe ba kada sala 25. Tos


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker