GMN TV Saude e Educação Solusaun di’ak proteze sidadaun husi COVID-19 mak ba fali EE

Solusaun di’ak proteze sidadaun husi COVID-19 mak ba fali EE

0 views

Deputadu bankada PLP, Noe da Silva “Buka Tuir”, hatete, maske Prezidente Repúblika (PR) veta ona Dekretu Lei Rejime Vijilánsia Epidemiolójika no Vijilánsia Sanitária, maibe iha solusaun atu Governu Timor-Leste liu husi Ministériu Saúde (MS) atu proteze sidadaun no nasaun husi COVID-19 mak di'ak liu fila-fali ba Estadu Emerjénsia (EE) tuir mai.

“Ita tenke halo alterasaun lei ba sistema saude, atu fo dalan ba MS atu bele implementa kuarentena no izolamentu sei la halo alterasaun ba lei ida ne’e, entaun laiha dalan ona hanesan Doutor Rui, hateten, maibe se hakarak ita nia nasaun no povu moris saudavel, hakarak ka lakohi ita tenke adapta situasaun ne’ebé mak akontese iha nia rai, labele dehan lei seidauk halo alterasaun, tanba ne’e mak ha’u labele hela iha kuarentena, karik ita afeta ona ba moras ida ne’e oinsa? entaun Estadu nia dever no liu-liu Governu nia dever ida mak tenke kria sistema ida que di'ak ba ita nia sidadaun, sidadaun rasik lakohi koopera”, dehan Prezidente Komisaun F Parlamentu Nasional (PN), Noe iha Talk Show kona-ba Papel MS ni'an kontinua implementa regra Covid-19, Organiza husi FONGTIL iha Kaikoli Dili, Tersa (07/28/2020).

Nia hatutan, karik sidadaun sira lakohi, úniku solusaun fila-fali implementa EE, maibe EEla’os engloba iha munisípiu hotu, maibe hola parte de'it iha parte de entrada.

“Maibe ita sei halo alterasaun ba lei sistema da saude, ida ne’e mak Prezidente la konsege promulga no veta, entaun nia implementaun tenke halo fali  EE.  Hanoin iha dalan, la'os totalmente laiha dalan, se iha bainhira ita hakarak hanesan ohin ha’u dehan iha rua ne’ebé mak aplika iha ita nia rai laran, alende ne’e ita mos hola parte iha Nasoens Unidas ita mos tenke aplika kualker lei ida ne’ebé mak bele proteje ita nia sidadaun”, subliña Noe.

Alende ne’e, Koordenador Pilar Kuartu Kontrolu COVID-19 MS, Frederico Bosco, salienta, situasaun ida ne’e durante EE MS buka meius nafatin no buka medida hotu, tantu ho baze legal ne’ebé iha para proteje ita nia nasaun depois de EE, tanba ho EE  mak bele limita ema nia movimentu, hanesan mos informasaun horiseik dehan, so lei ne’ebé sai husi PN mak bele iha poder, para atu bele limita.

Tanba Timor-Leste pertense ba iha Organizasaun Nasaens Unidas, iha organizasaun ne’e iha mos regulamentu sanitariu internal ne’ebé iha tinan 2020, fulan Janeiru, aprova tiha ona lei ida ne’e.

“Hanesan mos Estadu membru ita mos iha obrigasaun atu kumpre regulamentu ne’ebé que revista iha sanitariu internasional ne’eba, como situasaun ne’e mosu horiseik hatene katak, Prezidente veta ita nia dekretu lei ida ne’e, entaun MS husi oin ba oin koko atu explora posibilidade implementasaun ida ne’e, liu-liu regulamentu sanitariu internasional, iha ne’eba artigu lubuk ida ne’ebé mensiona kona-ba dever ne’ebé Estadu membru tenke foti wainhira hasoru situasaun ne’ebé que iha ameasa ba saude públika”, tenik Frederico. Oly  


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker