Universidade Oriental Timor Lorosa'e (UNITAL), abertura programa language center ne’e, ho intensaun oinsa estudante no dosente sira bele komprende liu tan kona-ba lingua, tamba lingua importante tebes, la’os de'it hatene hakerek, maibe hatene mós koalia.
Nune’e, Reitór UNITAL, Florindo Pereira, hatete, liu husi centru ne’e, bele ajuda estudante no dosente sira, hodi bele komprende liu tan kona-ba language.
“Ohin dader ne’e ami loke language center iha universidade oriental, tanba depois de konstituisaun da Repúblika iha Timor ne’e, iha mós lingua hat iha laran, Tetun, Portugues, Inglesh no Indonézia, maibe nudar universidade ami tenki prepara fasilidade ida ne’e ba ami nia estudante no mós dosentes, tanba depois de estudante sira finaliza, sira nia estudu, sira tenki hatene lingua ruma, ne’ebé hatene lolo’os hakerek bele koalia, sé la hatene hakerek no koalia lingua ruma, o nia matenek ne’e o labele espresa ba liur, para ema bele hatene, entaun ida ne’e mak ami loke lingua ne’e komesa husi Portugues no Inglesh,” haktuir, Reitór UNITAL ne'e ba jornalista sira, Kinta (2/07/2020), iha Kampus UNITAL-Becora.
Iha fatin hanesan, Koordenadór Komisaun Language Center, Benyamin Cunha, esplika, liu husi language center ne’e, bele aumenta koñesimentu estudante no mós dosente sira, iha área lingua ni'an, nune’e bele hafasil iha área komunikasaun ninian.
“Ita agradese, tanba dadaun ne’e universidade iha inisiativa di’ak liu husi estrutura universidade, hodi harii language center, tanba ho objetivu ida, atu garante ba kualidade, atu garante ba abilidade, husi estudante, staff no mós dosente iha area lingua, ne’e pasu pozitivu ida ba ita nia universidade ,” esplika, Benyamin.
Koordenadór Komisaun ne’e mós informa katak, language center mós hetan apoiu rekursu umanu husi Kedutaan Besar Repúblik Indonézia, hodi bele hanorin estudante sira iha lingua Indonézia. Jen
