GMN TV Saude e Educação Deputadu Mandati pozitivu COVID-19

Deputadu Mandati pozitivu COVID-19

8 views

Koordenador Pillar Sete,  Nilton do Carmo da Silva hatete, deputadu bankada FRETILIN, Davíd Dias Ximenes “Mandati”, dadaun ne’e,  hala’o hela tratamentu intensivu iha sala izolamentu Vera Cruz,  tanba deteta pozitivu COVID-19.

“Sim Sr. David Dias Ximenes konfirmadu pozitivu iha sesta semana kotuk, depois iha sesta lokraik Sr David rasik komunika mai ha’u, katak senti sintomas, e ha’u haruka ha’u nia ekipa ba halo avaliasaun assismentu ba iha Sr. Mandati nia rezidensia, e wainhira iha avalisaun hatudu katak, iha duni indikasaun katak, presiza duni atendementu iha sala izolamentu Vera Crus”, Nilton do Carmo da Silva, hato’o informasaun ne’e ba GMN, wainhira partisipa iha Programa Dader Kmanek,  Kuarta (28-07-2021).

Dadus ne’ebe iha hatudu, deputadu ne’ebé identifika pozitivu Covid-19 hamutuk na’in tolu mak hanesan ida husi Bankada CNRT, ida husi bankada KHUNTO, no ida seluk husi Bankada FRETILIN.

Hatan kona-ba ekipamentu iha sala izolamentu hodi hasoru situasaun ba iha pandemia Covid-19 ne’e, nia responde ekipamentu no rekursu preparadu, tanba antes ne’e Ministériu Saúde (MS), kapasita ona pesoal saúde sira tantu iha nasional nomós iha referral.

“Kona-ba ekipamentus sei ita kompara ba fulan hira liu ba ou tinan kotuk, ita nian mais preparadu sei ita kompara, la’os ita kompara ho nasaun seluk, sei ita kompara ho ita nia preparasaun desde inisiu to’o agora ita dehan katak ho númeru ne’ebé mak karik mai, ho númeru ne’ebé mak ita nia ekipamentus bele atende. Ha’u senti ita bele, alienede ekipamentus ita nia rekursu mós mais preparadu, tanba ita mós fó kontinuasaun kapasitasaun ba iha ita pesoál saúde sira, tantu iha nasionál to’o mós ba iha referral”, nia informa.

Dadus ne’ebé GMN asesu husi Sentru Integradu Jestaun Krize (SIJK) iha loron (28-07-2021) hatudu, pasiente ne’ebé baixa iha sala izolamentu Vera Cruz hamutuk na’in 17. Husi númeru ne’e, iha área obstetrisia na’in 6,  iha medisina interna na’in 7,  iha sirurjia na’in 3,  pediátria 1.

Sira na’in 6 iha obstetrisia,  kategoria leve, no husi sira na’in 7,  ne’ebé iha medisina interna na’in rua mak grave,  nune’e ida uza ventiladór,  no ida ho oksijéniu.eni


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker