GMN TV Saude e Educação ESJ Nobel da Paz reativa ona prosesu ensinu aprendizajen EBS no EBF Farol seidauk

ESJ Nobel da Paz reativa ona prosesu ensinu aprendizajen EBS no EBF Farol seidauk

Eskola Sekundáriu Jerál (ESJ) Nobel da Paz, priense ona kritéria reativa prosesu ensinu aprendizajen prezensiál, enkuantu eskola Bázika Filial no Ensinu Báziku Sentrál Farol seidauk.

  “Kona-ba regra covid-19 nian, ami kumpri tanba eskola prepara fasilidade tanke bee no kada sala tau balde no sabaun fasilita estudante no professor sira fase liman  molok tama iha sala laran no alende ne’e ami nia professor sira mós simu ona vasina, dehan Adjuntu Diretor ESG Nobel da Paz, Agustinho Pinto, ba JN-Diário, Segunda (19/07/2021) iha Maskarinhas, Díli.

Adjuntu Diretúr hatete, prosesu ensinu aprendizajen prezensiál iha ESG Nobel hahu ona iha loron 1 fulan Julio tanba eskola kompleta ona rekezitus hosi Ministériu Saúde (MS) no Ministériu Edukasaun Joventude no Desportu (MEJD), nune’e eskola hahu reativa prosesu ensinu aprendijajem prezensiál ba estudante sira.

“Tuir informasaun ne’ebé ami hetan katak, estudante  ho idade 18 ba leten ne’ebé seidauk vasina eskola sei rekolla dadus hodi informa ba MS no MEJD atu haruka ekipa mai fó vasina ba estudante sira, maibé ate agora ekipa refere seidauk mai no eskola kontinua rekolla dadus estudante sira nian”, afirma gustinho Pinto.

Nia subliña, iha loron normal eskola aplika turnu rua estudante sekundario eskola dader no ensinu baziku eskola lokraik no agora mós kontinua aplika, maibé hosi eskola jere oinsa atu estudante bele tur ho distansia uza maska no fase liman no estudante ne’ebé mai la uza máskara hosi eskola fasilita máskara ba sira, nune’e bele kumpri protokolu no regra MS.

Iha fatin seluk, Adjuntu Diretór Eskola Bázika Sentral Farol, Nicolau Ximenes, haktuir, pursentu 90 professores iha eskola refere simu ona vasina hodi bele halo sira-nia atividade hanesan normál.

“Konaba atu kriteria ou lae ida ne’e laos kompetensia ami nian tanba ida ne’e hosi Ministériu nian tanba Ministériu mak deside dehan bele reativa eskola ami prontu. Ohin hau ami fó orientasaun ba estudante sira atu halo deit limpeza no kuarta feira mai fali mak hare no rona informasaun bainhira mak bele  prosesu ensinu aprendijajem prezensiál.

Nicolau Ximenes hatutan, informasaun konaba reativa eskola akompañia hosi televizaun  dehan loron segunda (19/07/2021) eskola hotu hahú ensinu aprendizajen prezensiál, maibé loron segunda ne’e iha toleransia pontu entaun muda fali ba kuarta, maibé kuarta eskola seidauk bele hahu atividade tanba hein orientasaun hosi Edukasaun Munisipiu konaba bele reativa aula mak eskola foin bele reativa.

“Eskola preparadu kumpri protokulu tanba eskola iha tanke bee ba estudante no professor sira fase liman, eskola mós jere estudante atu tur ho distansia no nafatin uza máskara”.Fel


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker